DASTAKI MASHINALAR

---

DASTAKI MASHINALAR, mexanikaviy asboblar — motori (dvigateli) ichiga o’rnatib ketiladigan va qo’lda ishlatiladigan texnologik mashinalar. Asosiy Dastaki mashinalar jumlasiga parmalash, silliqlash-yaltiratish mashinalari (asboblari), mexanik arralar, qaychilar, bolg’alar kiradi. Dastaki mashinalar yuritmasi pnevmatik (havoli), elektrik, gidravlik (suyuqlikli) va boshqalar bo’lishi mumkin. Dastaki mashinalarni operator (malakali ishchi) ishlatadi. Motorsiz Dastaki mashinalar (masalan, arra, randa, parma va boshqalar) dastaki (qo’lda ishlatiladigan) qurollar deb ataladi.

Manba

---

O'zbekiston Milliy Ensiklopediyasi