DARYO HAVZASI

---

DARYO HAVZASI — nam saqlaydigan jinslarni o’z ichiga olgan yer yuzasining bir qismi, undan suv alohida Daryo yoki Daryo sistemasiga oqadi. Daryo havzasini ko’pincha daryoning suv yig’ish havzasi deyiladi. Har bir Daryo havzasi yer usti va yer osti suv to’plash havzalarini o’z ichiga oladi. Yer usti suvlari yer yuzasining bir qismini egallab, undan suv Daryo sistemasiga yoki aniq bir daryoga oqadi. Yer osti suvlari g’ovak yotqiziqlar qatlamini hosil qilib, undan suv Daryo tarmoqdariga boradi. Yer usti havzasi hududi bilan yer osti havzasi hududi bir-biriga to’g’ri kelmaydi. Daryo havzasining yer osti suvlari chegarasini aniqlash qiyin bo’lganidan biron daryoga oqar suvlar to’planadigan hudud shu Daryo havzasi deyiladi. Daryo havzasi bir-biridan suvayirg’ichlar bilan ajralib turadi. Daryo havzasi maydoni turlicha: Amazonka havzasi dunyoda eng katta havza bo’lib, 7180 ming kilometr kvadrat, Amudaryoniki esa 465 ming kilometr kvadrat.

Manba

---

O'zbekiston Milliy Ensiklopediyasi