DARYO HARBIY FLOTILIYASI
DARYO HARBIY FLOTILIYASI – Daryo harbiy kemalari va Daryo qirg’og’idagi maxsus harbiy qismlar birlashmasi. Vazifasi — dushmanning Daryo kemalariga qarshi kurashda yoki jangda qirg’oqdagi qo’shinlarga yordamlashish, xalq xo’jaligi mulklari hamda harbiy yuklarni qo’riqlash, davlatning Daryo chegarasini muhofaza qilish. Daryo harbiy flotiliyasi tarkibiga turli Daryo harbiy qismlari: har xil qayiq va kemalar, zirhli katerlar, maxsus harbiy kemalar, dengiz, yer va havo artilleriya batareyasi va boshqalar kiradi. Daryo harbiy flotiliyasi Rossiyada dastlab 18-asrda tuzilgan. 1733-34 yillarda tuzilgan don flotiliyasi turk qo’shinlariga qarshi jangda ishtirok etgan. 1771 yil tuzilgan Dunay harbiy flotiliyasi Izmail qal’asini bosib olishda katta yordam qilgan. Azov, Kaspiy, oq dengiz, Volga, don, Amudaryo, Amur va boshqa harbiy flotiliyalari fuqarolar urushi davridagi janglarda ishtirok etganlar. Ikkinchi jahon urushi yillarida Daryo harbiy flotiliyasi Volga bo’ylab Stalingrad va don fronti qo’shinlariga oziq-ovqat, kiyim-kechak, dori-darmon va qurollar yetkazib turgan.
Manba
O'zbekiston Milliy Ensiklopediyasi
Uzpedia.uz