Daryl Janmaat
Daryl Janmaat (talaffuzi: Deril Yanmat; 1989-yil 22-iyulda tugʻilgan) — oʻng qanot himoyachisi sifatida oʻynagan sobiq futbolchi. ADO Den Haagning texnik direktori.
Oʻz faoliyatini ADO Den Haagda boshlagan. Eredivizionning Heerenven va Feyenoord klublarida oʻynagan. 2014-yilda Newcastle Unitedga, keyin esa 2016-yilda Watfordga qoʻshilgan.
2012-yildan beri milliy terma jamoada Janmaat 20 dan ortiq oʻyin oʻtkazdi va Gollandiya terma jamoasi bilan 2014-yilgi FIFA Jahon chempionatida 3-oʻrinni oldi.
Klublardagi faoliyati
ADO Den Haag
Leidschendamda tugʻilgan Janmaat oʻzining professional faoliyatini 2007—2008-yillargi mavsumda Eerste Divizionida ADO Den Haag bilan boshlagan.
Heerenveen
Keyingi mavsumda 19 yoshli futbolchi toʻgʻridan-toʻgʻri Erediviziyaga oʻtib, SC Heerenveen bilan shartnoma imzoladi. 2009-yil 23-oktyabrda Heerenveenning Yevropa ligasi doirasidagi Hertha Berlinga qarshi o‘yinining 73-daqiqasida norvegiyalik Christian Grindheimning oʻrniga maydonga tushdi va uch daqiqadan so‘ng qoidabuzarlik qilgani uchun qizil kartochka oldi.
Feyenoord
2012-yilning oʻrtalarida, shartnomasi muddati tugaganidan soʻng, Feyenoord bilan shartnoma imzoladi. 2012-yil 9-dekabrda „Feyenoord“ NAC Breda bilan 2:2 hisobidagi durang o‘yinida Janmaat bir daqiqa ichida ikkita sariq kartochka olib, maydondan chetlatildi. 2013-yilning 17-martida „Feyenoord“da „Utrecht“ga qarshi oʻyinda (2:1) g‘alaba to‘pini kiritdi.
Newcastle United
2014-yilning 17-iyulida Janmaat Premyer-liganing Newcastle United klubiga nomaʼlum toʻlov evaziga olti yillik shartnoma asosida qoʻshildi. 17-avgust kuni oʻzining debyutini Manchester Cityga qarshi oʻyinda (2:0) oʻtkazdi. 30-avgust kuni Janmaat klubdagi birinchi golini Crystal Palacega qarshi oʻyinda (3:3) kiritdi. Mavsum davomida West Bromwich Albion, „Burnley“, „Crystal Palace“ va „Aston Villa“ga qarshi oʻyinlarda golli uzatmani amalga oshirdi.
Watford
2016-yilning 24-avgustida „Newcastle“ chempionshipga tushib ketganidan so‘ng, Janmaat 7,5 million funt sterling evaziga Premyer-liga vakili Watford bilan shartnoma imzoladi.
ADO Den Haagga qaytish
2020-yil 29-dekabrda Janmaat ADO Den Haag bilan erkin agent sifatida shartnoma imzoladi. 2021—2022-yilgi mavsumdan soʻng futbolchilik faoliyatini yakunladi va klubning texnik direktori etib tayinlandi.
Xalqaro faoliyati
Janmaat 2012-yilning 7-sentyabrida Gollandiya terma jamoasi safida debyut qildi va 2014-yilgi Jahon chempionati saralashida Turkiyaga qarshi oʻyinda (2:0) to‘liq 90 daqiqa o‘ynadi. 2014-yilning 31-mayida terma jamoa bosh murabbiyi Louis van Gaal Braziliyada boʻlib oʻtadigan Jahon chempionati uchun 23 kishilik yakuniy tarkibga Janmaatni ham qoʻshdi. Turnirdagi ilk o‘yinini 13-iyun kuni o‘tkazdi, uchrashuvda Gollandiya amaldagi chempion Ispaniyani 5:1 hisobida mag‘lub etdi.
Faoliyat statistikasi
Klub
26-yanvar, 2021-yil[2][21]
Xalqaro
Yutuqlari
Watford Niderlandiya Individual Manbalar
uz.wikipedia.org