Darren Bent
Darren Eshli Bent (inglizcha: Darren Bent; 1984-yil 6- fevral, London) — ingliz futbolchisi, hujumchi hisoblanadi.
Darren Bent oʻz faoliyatini 2001-yilda „Ipswich Town“da boshlagan. U 122 oʻyinda 47 ta gol urgan va bu „Charlton“ skautlarini jalb qildi. 2005-yilda u 2,5 million funt sterling evaziga „Charlton“ga oʻtgan. Keyingi ikki mavsumda u jamoaning eng yaxshi toʻpurariga aylangan. Keyin u 16,5 million funt evaziga „Tottenxem“ga oʻtdi.
2011-yilning 18-yanvarida u „Aston Villa“ bilan klub rekordi 24 million funt sterlingga shartnoma imzolashga erishdi. 2012-yilning yozida futbolchiga Moskvaning „Spartak“ klubi qiziqish bildirgan edi.
U 15 yoshidan boshlab Angliya terma jamoasining barcha boʻgʻinlarini bosib oʻtdi va Angliya terma jamoasidagi debyutini 2006-yilda Urugvayga qarshi oʻyinda oʻtkazgan.
Biografiyasi
Tutingda (Janubiy London) tugʻilgan. Bentning Yamaykalik ildizlari bor. Uning otasi Uimbldon va Brentford yoshlar jamoalarida oʻynagan.
14 yoshida u „Ipswich Town“ jamoasiga qoʻshildi. 2001-yilda u klub bilan professional shartnoma imzoladi. UEFA kubogi doirasidagi birinchi o‘yin „Xelsingborg“ga qarshi o‘tkazildi. U Liga Kubogidagi birinchi golini „Newcastle United“ darvozasiga kiritdi, garchi u jamoaga yordam bermagan boʻlsa-da, natijada ular 4: 1 hisobida magʻlub boʻlishgan. Angliya Premer-ligasida u oʻzining birinchi golini 2002-yil 24- aprelda „Midlsboro“ darvozasiga kiritgan.
2005-yil 1-iyunda „Charlton“ga koʻchib oʻtgan. Dastlabki transfer narxi 2,5 million funt sterlingni tashkil etdi va asosiy jamoaning maʼlum miqdordagi oʻyinlari uchun 3 million funtga koʻtarildi. 2005-2006-yilgi Premer-liga mavsumining ochilish kunida u „Sanderlend“ ga qarshi debyutida dubl qayd etib, avgust oyida Premer-liganing eng yaxshi futbolchisiga aylangan. Bent 18 ta gol bilan Premer-ligada eng koʻp gol urgan ingliz futbolchisiga aylandi. Biroq, angliyalik murabbiy uni 2006-yilgi Jahon chempionatiga kiritmadi va 17 yoshli Teo Uolkottni olib ketdi.
2009-yilda Roman Pavlyuchenko va Jermeyn Defo ijaradan „Tottenxem“ga oʻtgandan keyin „Sanderlend“ ga koʻchib oʻtgan. Transferdan soʻng u „Sanderlend“ning asosiy oʻyinchisiga aylandi, hatto ser Aleks Fergyuson uni jamoaga olib kelmoqchiligi haqida mish-mishlar tarqaldi. „Sanderlend“ safida Premer-ligada 58ta oʻyinda maydonga tushib, 32ta gol urgan. Uning eng mashhur gollari „Old Trafford“ va „Manchester City“ da boʻlgan.
2011-yilda 18 million funt evaziga Aston Villaga koʻchib oʻtgan. Debyutida u „Manchester City“ga qarshi oʻyinda gʻalaba toʻpini kiritdi.
Yutuqlari
Statistikasi
Manbalar
uz.wikipedia.org