DAROIM

DAROIM — Toxaristonning Janubidagi Badaxshonda joylashgan tarixiy tuman. Ilk o’rta asr Xitoy manbalarida u Ximotalo mulki nomi bilan mashhur. Stan Szannning yozishicha, u Kishmdan sharqda joylashgan, hududi butunlay tog’lardan tashkil topgan, aholisi badjahl, beshafqat, turkiylarga o’xshab kiyinishgan. Iqlimi sovuq bo’lsa ham, yerlari unumdor. Ayollar o’ziga xos bosh kiyim kiygan. Bu yerda bir qancha qal’alar bo’lsada, aholi o’tovlarda yashab, ko’chmanchi hayot tarzi kechirishgan. Daroimning birinchi podshosi saklarash bo’lib, unga ko’p xalqlar tobe edi. Turkiy qavmlar bilan qo’shnichilik unga kuchli ta’sir qilgan, natijada Daroim aholisi ularning kup odatlarini o’zlashtirib olgan. 20-asr boshida bu tumanda 27 ta qishloq mavjud edi, ularning aholisini tojiklar, qarluqlar, belujlar va hazoralar tashkil etgan; aholi dehqonchilik bilan mashg’ul bo’lib, ko’p miqdorda bug’doy etishtirgan. Ad.: Kamaliddinov Sh. S, Istoricheskaya geografiya Yujnogo Sogda i Toxaristana po araboyazichnim istochnikam IX — nachala XIII vv., T., 1996.

Manba

O'zbekiston Milliy Ensiklopediyasi