DARLING

---

DARLING (yuqori oqimida — Baruon) — Avstraliyadagi Daryo, Murrey daryosining o’ng irmog’i. Uzunligi 2740 kilometr. Havzasining maydoni 650 ming kilometr kvadrat (ba’zi ma’lumotlarga ko’ra 410 ming kilometr kvadrat). Nyu-Inglend tizmasining g’arbiy yon bag’irlaridan boshlanib, quyi oqimida chala cho’ldan oqadi. Darling serirmoqdaryo, unga Paru, Uorrego, Makkuori va boshqa irmoqlar quyiladi. Daryoning suv sathi ba’zan 6-8 metr ko’tariladi. O’rtacha suv sarfi 42 metr/sekund. Yoz oylarida quyi oqimi qurib qoladi va o’zanida ko’llar vujudga keladi. Daryo to’lib oqqanda Byork shahridan quyi oqimigacha kemalar qatnaydi. Sug’orishda foydalaniladi.

Manba

---

O'zbekiston Milliy Ensiklopediyasi