Darko Todorović

Darko Todorović (talaffuzi: Darko Todorovich; 1997-yil 5-mayda tugʻilgan) — bosniyalik professional futbolchi, Rossiya Premyer-ligasidagi Akhmat Grozny klubi va Bosniya va Gersegovina terma jamoasida oʻng qanot himoyachisi sifatida oʻynaydi.

Todorović professional faoliyatini Sloboda Tuzlada boshlagan, 2018-yilda Red Bull Salzburgga qoʻshilgan. 2019-yilda Holstein Kiel, 2020-yilda HNK Hajduk Split va 2021-yilda Akhmat Groznyga ijaraga berilgan. 2022-yilda Ahkmat Grozny bilan doimiy shartnoma imzoladi.

Bosniya va Gersegovina terma jamoasining sobiq yoshlar terma jamoasi aʼzosi Todorović 2018-yilda milliy terma jamoada debyut qilgan va shundan beri 16 oʻyin oʻtkazgan.

Klublardagi faoliyati

Ilk faoliyat davri

Todorović Sloboda Tuzlaning yoshlar akademiyasiga oʻynagan. 2015-yilning 11-aprelida 17 yoshida Zrinjski Mostarga qarshi o‘yinda professional debyut qilgan. 2016-yilning 21-sentyabrida birinchi professional golini Podrinye Janja darvozasiga kiritdi.

Red Bull Zalsburg

2018-yil iyul oyida Todorović Avstriyaning Red Bull Salzburg jamoasiga nomaʼlum toʻlov evaziga oʻtdi. 22-iyul kuni Avstriya kubogi oʻyinida jamoa safida debyut qildi. Uch hafta oʻtgach, FK Austria Wienga qarshi ligadagi debyutini oʻtkazdi. 2019-yil 5-may kuni klub bilan liga chempionligini qoʻlga kiritishdi.

Iyul oyida Todorović Germaniyaning Holstein Kiel jamoasiga bir mavsumga ijaraga berildi.

2020-yil avgust oyida Xorvatiyaning Hajduk Split jamoasiga mavsumiy ijaraga yuborildi.

Akhmat Grozny

2021-yilning sentyabrida Todorović mavsumning qolgan qismi uchun Rossiya vakili Akhmat Groznyga ijaraga berildi. Jamoadagi debyutini 11-sentyabr kuni Sankt-Peterburgning „Zenit“iga qarshi oʻtkazdi.

2022-yil iyun oyida Akhmat Grozny Todorović bilan ikki yillik shartnoma imzoladi.

Faoliyat statistikasi

Klub

27-avgust, 2022-yil[13]

Xalqaro

2-iyun, 2021-yil[14]

Yutuqlari

Red Bull Salzburg

Manbalar

uz.wikipedia.org