Dario Đumić
Dario Đumić (talaffuzi: Dario Djumich; 1992-yil 30-yanvarda tugʻilgan) — Bosniyalik professional futbolchi, 2. Bundesliga klubi SV Sandhausen va Bosniya va Gersegovina terma jamoasida markaziy himoyachi sifatida oʻynaydi.
Đumić professional faoliyatini Norwich Cityda boshlagan, 2010-yilda „Brøndby“ga oʻtgan. Olti yil oʻtgach, NECga qoʻshildi. 2017-yilda Đumić „Utrecht“ga oʻtdi, 2018-yilda Dresdenning „Dynamo“siga qoʻshildi. 2019-yilda „Darmshtadt 98“ga ijaraga berildi. Keyingi yili „Twente“ga oʻtdi. SV Sandhausen bilan 2022-yilda shartnoma imzoladi.
Daniya yoshlar terma jamoasining sobiq futbolchisi Đumić 2017-yilda Bosniya va Gersegovina terma jamoasi safida debyut qilgan.
Klublardagi faoliyati
Ilk faoliyati
Bosniya urushi boshlanganligi sababli Đumićning oilasi oʻzining vatani Bosniya va Gersegovinadan qochib, Daniyaga koʻchib oʻtdi va u yerda Đumić mahalliy klublarda futbol oʻynay boshladi, 2008-yilda Angliyaning Norwich City jamoasi yoshlar akademiyasiga qoʻshildi. 2009-yil 10-noyabrda 17 yoshida „Swindon Town“ga qarshi oʻyinda professional debyut qilgan.
2010-yil yanvar oyida Đumić Brøndbyga koʻchib oʻtdi. 2011-yilning 4-dekabrida birinchi professional golini Køge darvozasiga kiritdi.
2016-yil fevral oyida Gollandiyaning NEC jamoasiga oʻtdi.
Utrecht
2017-yilning iyul oyida Đumić nomaʼlum toʻlov evaziga Utrechtga oʻtdi. 16-avgust kuni Sankt-Peterburgning „Zenit“ klubiga qarshi UEFA Yevropa Ligasi pley-off bosqichida klub safida rasmiy debyut qildi.
2018-yil iyun oyida Đumić Germaniya vakili Dresdenning „Dynamo“ jamoasiga mavsumiy ijaraga yuborildi.
2019-yil iyul oyida mavsum oxirigacha „Darmshtadt 98“ga ijaraga berildi.
Twente
2020-yilning sentabrida Đumić Twente bilan ikki yillik shartnoma imzoladi. Jamoadagi debyutini 25-sentyabr kuni „Groningen“ga qarshi oʻtkazdi. 2021-yilning 17-yanvarida „Twente“ safidagi ilk golini xuddi shu raqib darvozasiga kiritdi.
SV Sandhausen
2022-yil yanvar oyida Đumić SV Sandhausenga qoʻshildi.
Xalqaro faoliyati
Daniyanining turli yoshlar darajasidagi jamoalarida oʻynagan. Keyin Đumić Bosniya va Gersegovina safida oʻynashga qaror qildi.
2016-yilning avgustida sport fuqaroligini Daniyadan Bosniyaga oʻzgartirish haqidagi iltimosi FIFA tomonidan maʼqullangan edi. Keyinchalik, 2017-yilning mart oyida Gibraltarga qarshi 2018-yilgi Jahon chempionati saralash oʻyini va Albaniyaga qarshi oʻrtoqlik oʻyini uchun ilk chaqiruvlarini oldi.
7-oktyabr kuni 2018-yilgi Jahon chempionati saralashida Belgiyaga qarshi oʻyinda Đumić terma jamoasidagi birinchi golini urdi.
Shaxsiy hayoti
Dumić Janubiy Daniya universitetining huquqshunoslik bakalavriatini imtiyozli diplom bilan tamomlagan.
Faoliyat statistikasi
Klubda
9-noyabr, 2022-yilgi holat boʻyicha[18]
Xalqaro
10-oktyabr, 2017-yilgi holat boʻyicha[19]
Ballar va natijalar roʻyxati birinchi boʻlib Bosniya va Gersegovinaning gollari soni, ballar ustuni esa Đumićning har bir golidan soʻng hisobni koʻrsatadi.
Manbalar
uz.wikipedia.org