Darwin Daniel Machís Marcano
Darwin Daniel Machís Marcano (ispancha: Darwin Daniel Machís Marcano;) 1993-yil 7-fevralda Venesuelaning Tucupita shahrida dunyoga kelgan futbolchi hisoblanadi. „Granada“ klubi va Venesuela terma jamoasida hujumchi sifatida faoliyat olib boradi.
Jamoalardagi faoliyati
Machis professional faoliyatini „Mineros Guayana“da boshlagan. 2011-yil 21-avgustda „Estudiantes de Merida“ga qarshi oʻyinda Darvin Venesuela Primerasida debyut qilgan . „Yarakuyanos“ga qarshi duelda Darvin „Mineros Guayana“ uchun birinchi golini raqib darvozasiga kiritgan. 2012-yilning yozida Machish Ispaniyaning „Granada“ jamoasiga oʻtgan. 20-avgust kuni „Rayo Valyekano“ga qarshi oʻyinda u La Ligada debyut qilgan.
2014-yil boshida Machis „Gerkules“ jamoasiga ijaraga berilgan. 17-may kuni „Alkorkon“ga qarshi oʻyinda u Ispaniya „Segnuda“ jamoasida debyut qilgan. Ijara muddati tugagach, Darvin Granadaga qaytib kelgan va asosiy jamoa uchun bir nechta oʻyin oʻtkazgan.
2015-yilning yozida Machish „Ueska“ga ijaraga oʻtgan. 22-avgust kuni „Deportivo Alaves“ga qarshi oʻyinda u yangi jamoada debyut qilgan. 4-oktyabr kuni „Real Valyadolid“ga qarshi oʻyinda Darvin „Ueska“ safida ilk golini kiritgan. Mavsum yakunida u jamoaning eng yaxshi toʻpurarlaridan biriga aylangan. 2016-yilning yozida Darvin La Liganing yangi aʼzosi „Leganes“ga ijara asosida qoʻshilgan. 22-avgust kuni „Selta“ ga qarshi oʻyinda u yangi jamoada debyut qilgan . 29-noyabr kuni Ispaniya kubogi doirasida „Valensiya“ ga qarshi oʻyinda Machis „Leganes“ safida oʻzining birinchi golini urgan. Shartnoma muddati tugagach, u Granadaga qaytgan. „Kordoba“ga qarshi kechgan duelda u „dubl“ni amalga oshirib, klub safidagi ilk gollarini urgan. 30-oktyabr kuni Lorkaga qarshi oʻyinda Darvin xet-trik qayd etgan.
2018-yilning yozida Machish Italiyaning „Udineze“ klubiga oʻtgan. „Parma“ga qarshi oʻyinda u Italiya A seriyasida debyut qilgan. 2019-yil boshida Machis „Kadis“ga ijaraga berildi. 3-fevral kuni „Ovyedo“ga qarshi oʻyinda u yangi klub safida debyut qilgan. Xuddi shu uchrashuvda Darvin „Kadis“ darvozasiga birinchi golini urgan.
Xalqaro faoliyati
2011-yil 23-dekabrda Kosta-Rikaga qarshi oʻrtoqlik uchrashuvida Machis Venesuela terma jamoasi safida debyut qilgan.
2013-yilda Venesuela yoshlar terma jamoasi tarkibida Darvin Argentinada boʻlib oʻtgan Janubiy Amerika yoshlar chempionatida ishtirok etgan. Turnirda u Urugvay va Ekvador , Peru terma jamoalariga qarshi oʻyinlarda maydonga tushgan.
2018-yilning 8-sentyabr kuni Kolumbiya terma jamoasiga qarshi kechgan duelda Machis terma jamoadagi ilk golini kiritgan.
2019-yilda Machis Braziliyada boʻlib oʻtgan Amerika Kubogida ishtirok etgan. Turnirda u Peru , Braziliya , Boliviya va Argentina terma jamoalariga qarshi oʻyinlarda ishtirok etgan. Boliviyaliklarga qarshi duelda Darvin „dubl“ qilgan.
Venesuela tarkibidagi gollari
Manbalar
uz.wikipedia.org