Danielle Fotopoulos
Danielle Rut Fotopoulos ( qizlik familiyasi: Garrett 1976-yil 24-martda tugʻilgan) — amerikalik futbol murabbiyi va sobiq futbolchisi. Fotopoulos gollar va ochkolar boʻyicha Milliy atletika assotsiatsiyasining (NCAA) I divizioni rekordlariga ega va 1998-yilda NCAA ayollar futbol chempionatida gʻolib chiqqan Florida universiteti jamoasi, shuningdek, Amerika Qoʻshma Shtatlari terma jamoasi aʼzosi,Ekkerd ayollar futbol jamoasining bosh murabbiyi. 1999-yil FIFA ayollar oʻrtasidagi jahon chempionatida qatnashgan.
Biografiyasi
Fotopoulos 1976-yil 24-martda Pensilvaniya shtatining Kemp-Xill shahrida Bill va Donna Garret oilasida tugʻilgan. U Floridaning Altamonte Springs shahrida oʻsgan va 1990-yildan 1994-yilgacha Florida shtatining Longvud shahridagi Lyman oʻrta maktabida oʻqigan. Oʻrta maktabda oʻqiyotganda u olti xil — basketbol, kros, futbol, tennis, suzish va yengil atletika sport turlari boʻyicha universitet xatchisi boʻlgan. Oʻrta maktab futbol jamoasi Fotopoulos faoliyati davrida uch marotaba Florida shtati chempionligini qoʻlga kiritgan.
Kollej karyerasi
Fotopoulos dastlab Dallasdagi (Texas shtati) Janubiy Metodistlar Universitetida (SMU) oʻqigan va u yerda 1994-yildan 1995-yilgacha SMU Mustangs futbol jamoasida oʻynagan. Ikkinchi kursdan soʻng u SMUdan Geynsvilldagi Florida universitetiga oʻtgan va u yerda ikki mavsum davomida Florida Gators ayollar futbol jamoasida oʻynagan. U 1997-yilgi mavsum boshlanishidan oldin ACL oʻyinida jarohat olgan va 1998-yildan oʻyinga qaytgan. U Gatorsga NCAA futbol turnirining finalida Shimoliy Karolinaga qarshi gʻalaba golini urib, 1998-yilgi NCAA ayollar futbol chempionatida gʻolib chiqishga yordam bergan. Gators bilan 1996 va 1998-yilgi mavsumlarda jamoa Janubi- Sharqiy Konferensiya (SEC) muntazam mavsumlarida, turnir chempionatlarida gʻolib chiqdi va u ikki marta SECning tomonidan „Yilning eng yaxshi futbolchisi“ deb tan olindi. Fotopoulos kollejdagi karyerasini gollar (118) va ochkolar (284) boʻyicha NCAAning barcha vaqtlardagi yetakchisi sifatida yakunladi. U 1998-99-yillarda Honda Sports Award for Soccer mukofoti sovrindori boʻldi va „Yilning eng yaxshi kollej ayollar klubi futbolchisi“ deb tan oldi.
U Florida shtatidagi universitetni 1999-yilda bakalavr darajasi bilan tamomlagan va 2008-yilda Florida universitetining atletik shon-shuhrat zaliga „Buyuk gator“ sifatida kiritilgan.
Professional faoliyati
Fotopoulos Ayollar Birlashgan Futbol Assotsiatsiyasining Karolina Jasorati jamoasida professional tarzda oʻynagan va 2002-yilda liga chempionligini qoʻlga kiritgan. U shuningdek, Qoʻshma Shtatlar ayollar milliy futbol jamoasining aʼzosi boʻlgan.
Murabbiylik karyerasi
Fotopoulos Luiziana shtat universiteti (LSU) ayollar futbol jamoasining sobiq bosh murabbiyi Jorj Fotopoulosga turmushga chiqdi. 2004-yilda u eri bilan LDUda bosh murabbiy boʻlib ishlagan. 2006-yilda u oʻzining oʻqish joyi boʻlgan Florida universitetida Florida Gators futbol jamoasida yordamchi murabbiy boʻlib ishladi. Hozirda u Florida shtatining Tampa shahrida turmush oʻrtogʻi va toʻrt farzandi bilan yashaydi. U Tampa Bay United futbol klubida bir nechta jamoalarga murabbiylik qilgan va hozirda Florida Premier FCda murabbiylik qiladi, u yerda u GIRLS ECNLR direktori boʻlib ishlaydi. U, shuningdek, Tampa Bay Hellenic yarim professional jamoasiga hamkorlik ham qiladi. 2010-yilda Fotopoulos Florida shtatidagi Sankt-Peterburg shahridagi Ekkerd kollejida NCAA Division II ayollar futbol jamoasining murabbiyi boʻlgan.
Mukofot va unvonlari
Shaxsiy mukofotlari
Jamoa mukofotlari
Statistika
Kollej
WUSA
W-liga
Milliy terma jamoa
Yana qarang
Manbalar
Havolalar
uz.wikipedia.org