Daniel Tkaczuk
Daniel Tkaczuk (talaffuzi: Daniel Tkachzuk, 1979-yil 10-iyunda tugʻilgan) — kanadalik xokkey boʻyicha murabbiy va sobiq markaziy oʻyinchi. U Kanada Milliy xokkey ligasida Calgary Flames jamoasi tarkibida 19 oʻyin oʻtkazgan. Hozirda u Amerika xokkey ligasining Springfild Thunderbirds jamoasida yordamchi murabbiy boʻlib faoliyat olib bormoqda.
Jamoalardagi faoliyati
Tkaczuk Ontario shtatining Toronto shahrida tugʻilgan. 1993-yilda u Toronto Marlboros kichik xokkey jamoasi bilan Quebec xalqaro Pee-Wee xokkey turnirida qatnashgan.
U Calgary Flames jamoasi tomonidan 1997-yilgi NHL draftida oltinchi oʻrinda jamoa tarkibiga tanlangan. 1999-yilda Oʻsmirlar oʻrtasidagi xokkey boʻyicha jahon chempionatida Kanada jamoasi tarkibida oʻynagan va jamoa chempionatda kumush medalni qoʻlga kiritgan. chempionat doirasida u jamoada gol urish boʻyicha yetakchilik qilgan. Tkaczuk keyingi mavsumda Amerika xokkey ligasining All-Rookie Team jamoasiga transfer qilingan.
2005-yil yozining oxirida Tkaczuk Milanga qaytishdan oldin Deutsche Eishockey Ligasidagi (DEL) Krefeld Pinguine, Amerika xokkey ligasidagi Grand Rapids Griffins va Rossiya Superligasidagi Lada Togliatti jamoalaridan takliflar qabul qilgan.
2006-yilda Tkaczuk DELning ERC Ingolstadt jamoasi bilan bilan shartnoma imzolagan. 2007-yilda u EV Duisburg Die Füchse jamoasiga transfer qilingan va jamoada 2008—2009-yilgi mavsum tugaguniga qadar oʻynagan. Tkaczuk 2007—2008-yilgi mavsumda gol urish boʻyicha chempionat oʻyinchilari orasida ikkinchi oʻrinni egallagan.
Olti yil chet elda boʻlgandan soʻng, Tkaczuk Shimoliy Amerikaga qaytib kelgan. 2009-yil 13-noyabrda ECHLning Charlotte Checkers jamoasi bilan shartnoma imzolagan. 2010-yil 6-yanvarda Tkaczuk Hartford Wolf Pack jamoasi bilan professional sinov (PTO) shartnomasini imzolaydi.
Tkaczuk 2010-yil 16-sentyabrda Avstriya Milliy Ligasining ikkinchi darajali EC TREND-Dornbirn jamoasi bilan bir yillik shartnoma imzolagan.
Murabbiylik faoliyati
Nafaqaga chiqqanidan soʻng, u Owen Sound Attack va OHLning Kitchener Rangers jamoalarida yordamchi murabbiy boʻlib faoliyat olib bordi. 2016-yilda Amerika Xokkey Ligasining Chicago Wolves jamoasi bilan yordamchi murabbiy sifatida shartnoma imzoladi. 2018-yilda u St. Louis Bluesning AHLdagi filiali San Antonio Rampage jamoasiga yordamchi murabbiy boʻlib ishga kirdi.
Shaxsiy hayoti
Hozirda Tkaczuk ihockeytrainer.com (Wayback Machine saytida 2022-10-04 sanasida arxivlangan), oʻqitish va mahoratni rivojlantirish onlayn xokkey maktabining prezidenti. Tkaczukning ikkita oʻgʻli bor. Ularning ismlari: Weylan va Sawyer Tkaczuk.
Faoliyat statistikasi
Muntazam mavsum va pley-off oʻyinlari
Xalqaro mukofotlari
Manbalar
uz.wikipedia.org