Daniel Eaton
Daniel Eaton (talaffuzi: Daniyel Iton; 1992-yil 26-martda tugʻilgan) — Amerika vakili sifatida muz ustida raqs musobaqalarida qatnashuvchi muz raqqosi. Konkida uchish boʻyicha sherigi Yura Min bilan musobaqalarda Koreya Respublikasini himoya qilgan, u bilan 2020-yilgi Koreya milliy chempioni hisoblanadi. Sobiq sherigi Aleksandra Aldridge bilan bilan birga 2014-yilgi Toʻrt qitʼa chempionatining bronza medali sohibi, ikki karra (2012, 2013) Oʻsmirlar oʻrtasidagi Jahon chempionatining bronza medali sovrindori, 2012-yil Oʻsmirlar oʻrtasidagi Gran-pri finalining bronza medali sovrindori va Oʻsmirlar oʻrtasida ikki karra AQSh chempioni boʻlgan.
Faoliyati
Eaton 2009-yilgi AQSh chempionatida Sameena Sheikh bilan yangi konkida uchuvchilar darajasida raqobatlashgan.
Aldridge bilan
Eaton 2009-yil may oyida Aldridge bilan juftlik hosil qilgan. Juftlik oʻzlarining birinchi mavsumida AQShning yangi konkida uchuvchilari unvonini qoʻlga kiritgan. Keyingi mavsumda ular Oʻsmirlar oʻrtasidagi Gran-pri seriyasida debyut qilib, Fransiya va Angliyada boʻlib oʻtgan musobaqalarida 6 va 4-oʻrinlarni egallaganlar. Juftlik oʻsmirlar oʻrtasida 2011-yilgi AQSh chempionatida ishtirok etib, 5-oʻrinni egallagan.
2011 — 2012-yilgi mavsumda Aldridge / Eaton juftligi Oʻsmirlar oʻrtasidagi Gran-pri musobaqasining Latviyada boʻlib oʻtgan bosqichida bronza, Avstriyada esa kumush medalni qoʻlga kiritgan. Ular 2012-yilgi AQSh chempionatida oʻsmirlar unvoniga sazovor boʻlgan. Juftlik 2012-yilgi Oʻsmirlar oʻrtasidagi Jahon chempionatida qatnashib, Anna Yanovskaya / Sergey Mozgov juftligini ortda qoldirgan holda, bronza medalini qoʻlga kiritgan.
Aldridge / Eaton juftligi 2012 −2013-yillarda AQSh va Sloveniyada boʻlib oʻtgan JGP musobaqalarida oltin medallarni qoʻlga kiritgan. Ular ushbu natijalari tufayli Rossiyaning Sochi shahrida boʻlib oʻtadigan 2012 — 2013 JGP finalida qatnashish uchun yoʻllanmaga ega boʻlgan va finalda ishtirok etib, bronza medalini qoʻlga kiritganlar. Juftlik 2013-yilgi Oʻsmirlar oʻrtasidagi Jahon chempionatida yana bir bronza medali sohibiga aylangan.
Aldridge / Eaton juftligi 2014-yil iyul oyida US Classic musobaqasida oltin medalni qoʻlga kiritgandan soʻng, ikkita Gran-pri musobaqasida ishtirok etib, 2014 Skate Canada International musobaqasida oltinchi va 2014 Rostelecom Cup musobaqasida yettinchi oʻrindan joy olgan. Juftlik 2015-yilgi AQSh chempionatida ishtirok etib, oltinchi oʻrinni egallagan. Ular 2015-yilning 30-yanvarida juftlikdagi faoliyatini tugatganini eʼlon qilgan.
Dasturlari
Aldridge bilan
Natijalari
GP: Gran-pri ; CS: Challenger seriyasi ; JGP: Oʻsmirlar oʻrtasidagi Gran-pri
Aldridge bilan
Manbalar
uz.wikipedia.org