Daniel Bohl

Daniel Bohl (talaffuzi: Deniyel Bol; 9-iyun 1994-yilda tugʻilgan) — nemis professional futbolchisi, FK Pirmasens jamoasida yarim himoyachi sifatida oʻynaydi.

Klublardagi faoliyati

Ilk faoliyati

Bohl Einöd qishlogʻida tugʻilgan va mahalliy SpVgg Einödning yosh toifadagi jamoasida boshlagan. Shuningdek, Zweibrückendagi Hofenfels-gimnaziyasida tahsil olgan. Oʻsmirlik davrida 1. FC Saarbrücken bilan shartnoma tuzdi. Molshder bilan uch yil oʻtgach, Bohl bir nechta Bundesliga jamoalarining eʼtiborini tortdi. Soʻngra 1.FSV Mainz 05 bilan imzolashni tanladi Klubda U17 darajasida boshlangan va 22 oʻyinda 5 ta gol urgan. Keyingi yili esa U19 jamoasiga koʻtarilgan.

2011—2012-yilgi mavsumda 24 ta oʻyinda 5 ta gol urdi, biroq U19 jamoasidagi kelasi mavsumida (2012—2013) ancha yaxshi oʻynadi. 20 ta oʻyinda 5 ta gol urdi, shu jumladan, 2013-yil 21-aprel kuni Eintracht Frankfurt klubiga qarshi oʻyinda dublini toʻqqiz daqiqa ichida urdi. Mavsum soʻnggi toʻrtta oʻyinida toʻrtta gol qayd etdi. Süd/Südwest klubida 6-oʻrinni egalladi.

Professional faoliyati

2012—2013-yilgi mavsum yakunida Bohl Mainz zaxira jamoasiga koʻtarildi. 1. FSV Mainz 05 II mintaqaviy ligada oʻynardi. Jamoadagi debyutibu 2013-yilning 27-iyulida, TSG 1899 Hoffenhaym II ga qarshi 3:0 hisobidagi gʻalabali oʻyinda oʻtkazdi. Uchrashuvda toʻliq 90 daqiqa oʻynadi hamda golli uzatmani ham qayd etdi. Mainz Südwest guruhida birinchi oʻrinni egalladi va 2014—2015-yilgi 3. Liga mavsumiga yoʻllanma oldi.

Bohl oʻzining professional debyutini 3.Liga doirasidagi Arminiya Bielefeldga qarshi oʻyinda oʻtkazdi. 2014-yil 26-iyulda kechgan bahsda jamoa 2:1 hisobida magʻlub boʻldi.

Xalqaro faoliyati

Bohl Germaniya milliy yoshlar terma jamoasida bir necha bor oʻynagan. 2010-yilning may oyida ilk bor U16 terma jamoasida Daniya U16 bilan oʻrtoqlik uchrashuvida maydonga tushdi. Noyabr oyida Misr U17 jamoasiga qarshi bahsda ham ishtirok etdi.

Bosh murabbiy Christian Ziege ostida Bohl 2011- va 2012-yillarda Germaniya U18 terma jamoasida sakkizta oʻyin oʻtkazdi. 2011-yilning 12-dekabrida Petah Tikva shahrida Isroil U18 terma jamoasiga qarshi oʻrtoqlik uchrashuvida oʻzining ilk terma jamoadagi golini kiritdi.

Shuningdek, Bohl Germaniya U19 terma jamoasida 9 uchrashuvda maydonga tushgan. 2013-yilgi UEFA U19 chempionati saralash bosqichida Germaniya terma jamoasiga kiritilgan va shulardan toʻrttasida maydonga tushgan

Manbalar

Havolalar

uz.wikipedia.org