Daniel Bachmann
Daniel Bachmann (talaffuzi: Daniyel Baxmenn) (1994-yil 9-iyulda tugʻilgan) — avstriyalik professional futbolchi. Daniel Bachmann „Watford“ futbol klubi va Avstriya milliy futbol terma jamoasida darvozabon sifatida oʻynaydi.
Daniel Bachmann oʻz faoliyatini 2011-yilda „Stoke City“ futbol klubida boshlagan. „Stoke“ klubidagi faoliyati davomida Daniel Bachmann „Wrexham“, Shotlandiyaning „Ross County“ va „Bury“ futbol klublariga ijaraga berilgan. Daniel Bachmann 2017-yilda „Watford“ futbol klubi tarkibiga qoʻshilgan va 2018—2019-yilgi mavsumni „Kilmarnock“ futbol klubida ijara asosida oʻtkazgan.
Klublardagi oʻyin faoliyati
Stoke City
Daniel Bachmann 2011-yilning yozida Avstriyaning „Wien“ futbol klubidan Angliyaning „Stoke City“ futbol klubiga oʻtgan edi. Daniel Bachmann „Stoke“ futbol klubining 18 va 21 yoshgacha boʻlgan yoshlar jamoasi bilan oʻynadi va 2014-yil 5-avgustda „Wrexham“ futbol klubi jamoasiga ijara asosida qoʻshildi.
Daniel Bachmann 2015-yil iyul oyida Shotlandiya Premer-ligasining „Ross County“ futbol klubiga olti oylik ijara asosida qoʻshildi. Daniel Bachmann klub bilan ilk oʻyinini 2015-yilning 8-avgustida oʻtkazdi va jarohat olgan darvozabon Scott Fox oʻrniga „Hamilton Academical“ futbol klubiga qarshi oʻyinda maydonga tushdi. 2015-yilning 28-oktyabrida Daniel Bachmann „Bury“ futbol klubi tarkibiga bir oylik ijara asosida qoʻshildi.
Daniel Bachmann 2016-yilning iyul oyida „Stoke“ futbol klubi bilan yana bir yillik shartnomaga imzo chekdi. Daniel Bachmann 2016—2017-yilgi mavsum oxirida „Stoke“ futbol klubini tark etdi.
Watford
2017-yilning 1-iyulida Daniel Bachmann „Watford“ futbol klubi bilan uch yillik shartnoma imzoladi.
2018-yilning 8-avgustida Daniel Bachmann Shotlandiya Premer-ligasi vakili „Kilmarnock“ futbol klubi jamoasiga mavsumiy ijara shartnomasi asosida qoʻshildi.
2021-yilning 14-avgustida Daniel Bachmann Premer-ligadagi birinchi oʻyinini „Watford“ futbol klubi tarkibida „Aston Villa“ futbol klubiga qarshi oʻtkazdi va unda „Watford“ klubi 3:2 hisobida gʻalaba qozondi.
Xalqaro oʻyinlardagi faoliyati
Daniel Bachmann Avstriyaning 16 yoshgacha boʻlgan oʻsmirlar milliy futbol terma jamoasi safida xalqaro oʻyinlarda Avstriya sharafini himoya qilgan. Keyinchalik Daniel Bachmann Avstriyaning 17 yoshgacha, 18 yoshgacha, 19 yoshgacha va 21 yoshgacha boʻlgan oʻsmirlar milliy futbol terma jamoalari tarkibiga chaqirilgan.
Faoliyat statistikasi
Klub
Xalqaro
Manbalar
uz.wikipedia.org