Dani Ceballos
Daniel Ceballos Fernández (1996-yil 7-avgustda tugʻilgan) — ispaniyalik professional futbolchi, La Liga klubi Real Madrid va Ispaniya terma jamoasida markaziy hamda hujumkor yarim himoyachi sifatida oʻynaydi.
Seballos oʻz faoliyatini Ispaniyaning „Real Betis“ klubida boshlagan va jamoasining Segunda divizionida gʻalaba qozonishga yordam bergan. U 2017-yilda „Real Madrid“ bilan shartnoma imzolab, ikki yildan soʻng Angliya Premyer-ligasining „Arsenal“ klubiga ijaraga berilgan.
Jamoalardagi faoliyati
Real Betis
Ceballos Andalusiyaning Utrera shahrida tugʻilgan. U 2004-yilda sakkiz yoshida „Sevilya“ning yoshlar jamoasi safiga qoʻshildi, ammo surunkali bronxit muammosi tufayli 2009-yilda safdan chiqdi. Keyinchalik ona shahri „Utrera“ klubida oʻynadi va 2011-yilda shartnoma imzolaganidan soʻng „Real Betis“ bilan rivojlanishini davrini yakunladi. 2014-yilning 22-fevralida hali yosh boʻlishiga qaramay, „Betis“ futbol klubi bilan professional shartnoma imzoladi.
2015-yilning 15-oktyabrida, uzoq davom etgan muzokaralardan soʻng Seballos „Betis“ klubi bilan shartnomasini 2020-yilning iyunigacha uzaytirdi. U Ispaniya chempionatidagi ilk golini 2017-yil 16-aprelda oʻz uyida „Eibar“ga qarshi 2:0 hisobida gʻalaba qozonilgan oʻyinda kiritgan.
Real Madrid
2017-yilning 14-iyulida Sebalos La Liganing „Real Madrid“ klubi bilan olti yillik shartnoma imzoladi, uning transfer narxi taxminan 18 million yevroni tashkil etgan edi. U 16-avgust kuni Ispaniya Superkubogi-2017 javob uchrashuvining 80-daqiqasida Toni Kroos oʻrniga maydonga tushdi va jamoa oʻz maydonida "Barselona" ustidan 2:0 hisobida gʻalaba qozondi. 23-sentabr kuni „Deportivo Alaves“ ustidan mehmonda 2:1 hisobida gʻalaba qozonilgan oʻyinda dubl qayd etishga muvaffaq boʻldi.
Arsenal (ijara)
2019-yilning 25-iyulida Seballos Angliya Premer-ligasining „Arsenal“ klubiga bir mavsumga ijara asosida qoʻshildi. 17-avgust kuni „Arsenal“ safida „Byornli“ ustidan 2:1 hisobida gʻalaba qozonib, oʻyindagi ikkita golli uzatmani amalga oshirdi. 3-oktyabr kuni Sebalos UEFA Yevropa ligasining 2019-20 yilgi mavsumi guruh bosqichida „Standart Liej“ga qarshi uy uchrashuvida 4:0 hisobida gʻalaba qozonib, „Arsenal“ libosidagi debyut golini kiritdi. 2020-yilning 28-iyunida u Angliya kubogi 2019-20 chorak finalida 1:2 hisobida gʻalaba qozonilgan bahsda qoʻshib berilgan vaqtda
Sheffild Yunayted darvozasiga hal qiluvchi ikkinchi golini urdi. U finalda toʻliq 90 daqiqa oʻynadi, „Arsenal“ "Uembli" stadionida „Chelsi“ni 2:1 hisobida magʻlub etdi.
"Real Madrid"ga qaytish
2022-yilning 28-mayida Sebalos 2022-yilgi UEFA Chempionlar Ligasi finalida 90-daqiqada Luka Modrich oʻrniga maydonga tushdi, bu oʻyinda „Real Madrid“ "Liverpul" ustidan 1:0 hisobida gʻalaba qozondi.
Xalqaro maydonda…
2014-yil 5-noyabrda Sebalos Ispaniyaning 19 yoshgacha boʻlgan yoshlar terma jamoasiga chaqirildi va Germaniya, Fransiya hamda Gretsiyaga qarshi oʻyinlarda terma jamoa sharafini himoya qildi. 2015-yilning 26-martida 21 yoshgacha boʻlganlar jamoasi safida debyut oʻyinini oʻtkazdi, Kartagenada Norvegiyaga qarshi oʻrtoqlik uchrashuvida 2:0 hisobida gʻalaba qozonilgan bahsda Samu Castillejoning oʻrniga maydonga tushdi; toʻrt kundan soʻng, Leonda u Belarus ustidan 4:0 hisobida gʻalaba qozonilgan uchrashuvda birinchi startini amalga oshirdi.
Seballos 2018-yilning 11-sentyabr kuni UEFA Millatlar Ligasi doirasida Xorvatiya ustidan 6:0 hisobida gʻalaba qozonilgan bahsda kattalar jamoasidagi ilk oʻyinini oʻtkazdi. Mamlakat terma jamoasi libosidagi ilk golini 15-noyabr kuni Zagrebda ayni raqibga qarshi va ayni oʻsha musobaqa doirasidagi 3:2 hisobida magʻlubiyatga uchralgan oʻyinda kiritishga muvaffaq boʻldi.
Karyera statistikasi
2022-yil 10-avgust holatiga ko'ra
Xalqaro
2020-yil 13-oktyabr holatiga ko'ra[34]
Sovrinlar
Real Betis Real Madrid Arsenal Ispaniya U19 Ispaniya U21 Ispaniya Olimpiya jamoasi Individual Manbalar
uz.wikipedia.org