DANG

---

DANG — 1) og’irlik o’lchovi yoki pul birligi. Ulug’bek akademiyasining namoyandalaridan G’iyosiddin Jamshid alKoshiy (Koshoniy) o’zining “Arifmetika kaliti” asarida o’rta asrlardagi O’rta Osiyo va Eron xalqlarining og’irlik o’lchovi va pul birligi bo’lgan Dang, tassuj va ashoir atamalaridan kasr sonlarni ifodalashda foydalangan. Bunda dinorni 1 ga teng deb olinsa, Dang 1/6 ga, tassuj 1/24 ga, ashoir 1/96 ga teng bo’lgan. Chunki bir Dang oltin bilan o’lchansa 1/6 dinorga, kumush bilan o’lchansa 1/6 dirhamga va ixtiyoriy og’irlikdagi 1/6 misqolga teng. Tassuj Dang bilan quyidagicha bog’langan: 1 tassuj 1/4 Dang = 1/24 dinor, dirham yoki misqol. 1 ashoir 1/4 tassuj = 1/16 Dang = 1/96 dinor, dirham yoki misqol; 2) rus tilidagi “denga” so’zining o’zagi shu “dang” dan olingan, dastlab u pul birligi bo’lib, 1/2 tiyin yoki 1/16 oltinni bildirgan. Dang ko’pgina adabiyotlarda, mas, Mirzo Ulug’bekning “to’rt ulus tarixi”, B. Ahmedovning “tarixdan saboqlar”ida Dong ko’rinishida ham uchrab turadi.

Manba

---

O'zbekiston Milliy Ensiklopediyasi