DAMODAR

DAMODAR — Hindistondagi daryo. Uzunligi 580 kilometr, havzasining maydoni 20 ming kilometr kvadratdan ortiq. Chxota-Nagpur platosidan boshlanib, Hindgang tekisligining Sharqiy qismidan oqadi, Gang daryosi deltasida uning tarmog’i — Xugli daryosiga quyiladi. Yoz va kuz oylarida to’lib oqadi. O’rtacha suv sarfi 330 metr kub/sekund. Quyi oqimida kema qatnaydi. Damodar havzasida GES, suv omborlari, sug’orish kanallari qurilgan. Damodar vodiysi Hindistonning muhim industriyalashgan (issiqlik elektr stansiyalari, ko’mir qazib olish, metallurgiya, mashinasozlik) rayonlaridan biri.

Manba

O'zbekiston Milliy Ensiklopediyasi