DAHLIZ

DAHLIZ — me’morlikda turar joy va mehmonxonalarga tutash qurilgan qo’shimcha xona. Asosan, 3,5 metrli, bolor (to’sin)li kichik xona bo’lib, ko’pincha, bir xona yoniga yoki ikki xona o’rtasiga kuriladi, shu xonalarga Dahliz orqali kiriladi. Uch, to’rt xonani boglovchi, ikki yonida va kirish eshigining qarshi tomonida ichki eshiklarga ega bo’lgan Dahlizlar uchraydi. Dahlizlarda poyabzal, ustki kiyimlar yechib qo’yiladi. Dahliz ichki xonalarga sovuq yoki issiq havo kirishiga ham ma’lum darajada to’sqinlik qiladi. Dahliz Sharq mamlakatlarida keng tarqalgan.

Manba

O'zbekiston Milliy Ensiklopediyasi