DAHANAK



DAHANAK (fors — og’iz so’zidan) — pichoq dami qinni kesmasligi uchun pichoq qinining og’ziga kiydiriladigan metall. Mis yoki kumushdan yasaladi. Misdan yasalgani misdahanak deb ataladi. Kumushdan qilinganini miskarlar, ko’pincha, chiroyli naqshlar b-n bezatadilar, ba’zan unga Feruza yoki qaqiq kabi qimmatbaho toshlar o’rnatadilar. Toshkent pichoqsozlari Dahanakni sarak deb yuritishadi. Hozir ko’pincha mis yoki jezdan yasaladi.

Manba



O'zbekiston Milliy Ensiklopediyasi

Uzpedia.uz