CHUMAKOV IVAN DAVIDOVICH

CHUMAKOV IVAN DAVIDOVICH (1906. 17.4, Qozog’iston, hozirgi Jambul viloyati — 1980.9.11, Toshkent) — geologiya-razvedka texnikasi sohasidagi olim. O’zbekistonda xizmat ko’rsatgan fan va texnika arbobi (1966), texnika fanlari doktori (1963), professor (1969). O’rta Osiyo universiteti fizika-matematika fakultetining geologiya bo’limini tugatgan (1930). Turkmaniston, O’zbekiston va Tojikistonda geologiya boshqarmalarida ishlagan. O’rta Osiyo Geologiya va mineral xom ashyo ilmiy taqqitor institutida direktor o’rinbosari (1957-62), 1962 yildan shu institutda razvedka texnikasi ishlari rahbari. Asosiy ilmiy yo’nalishi tog’li sharoitlarda konlarni razvedka qilish texnikasi va texnologiyasi bo’lib, uni tashkil etishning rasional usullarini ishlab chiqqan.

Manba

O'zbekiston Milliy Ensiklopediyasi