Chud-Pskov koʻli

---

Chud-pskov koʻli - Rossiya Federatsiyasi Pskov viloyati va Estoniyadagi kul. Estonlar PeypiYarv koʻli deb atashadi. Balandligi 30 m. Jan.dan shim.ga 150 km choʻzilgan. Birbiriga tutashgan 3 ta koʻldan iborat. Chekka jan.da Pskov, oʻrtasida Tyoploye, shim.da Chud koʻllari joylashgan. Umumiy maydoni 3550 km², oʻrtacha chuq. 7,5 m, eng chuqur joyi 15 m. Shimoliy va sharqiy qirgʻoqlari past, qum dyunalari, qisman toshloqlardan iborat. Bahorda suvi koʻpayganda sharqiy va shim. qirgʻoklari suv ostida qrladi. Koʻlda mayda orollar bor, yirikroqlari Pirissar va Talabskiy o.lari. Koʻlga Velikaya, Emayiga, Jelcha, Aviyiga, Chyornaya kabi daryolar kuyilib, Narva daryosi oqib chiqadi. Dekabrning oʻrtalaridan muzlab, aprel oxiri — may boshlarida muzdan holi boʻladi. Koʻlning suv satxi bahor oxirlarida, dare suvi koʻpayganda 3 m gacha koʻtarilib, qishda pasayadi. Oʻrtacha suv xajmi 25,2 km. Ch.Chud-pskov koʻli da baliqlarning 22 turi (leshch, plotva, sudak, sig, nalim, choʻrtan va boshqalar) bor. Koʻlda kema qatnaydi, yogʻoch tashiladi.



uz.wikipedia.org