Christian Vieri
Christian Vieri (italyancha: Christian Vieri)-italiyalik futbolchi, hujumchi.1973-yili 12-iyulda Italiyaning Bolonya shaxrida tugʻilgan. "Yuventus","Atletiko", „Latsio“ va „Inter“ klublarida oʻynagan. Italiya terma jamoasi futbolchisi.
Tarjimai holi
Jamoa
Vieri futbol oʻynashni kech boshlagan.Uning otasi Roberto Vieri professional futbolchi sifatida Avstraliyada faoliyat yuritayotganda Vieri 13 yoshida futbol oʻynashni boshlagan.Keyin Vieri Italiyaga qaytib keldi va u yerda bir nechta futbol maktablariga borib ularni almashtirib turdi va „Torino“ futbol akademiyasini tugatdi.
Turin klubi Vierining professional faoliyatidagi birinchi jamoaga aylandi.1993 yilda u jamoasi bilan Italiya kubogini qoʻlga kiritdi, ammo jamoada oʻz oʻrnini topa olmadi. Keyingi toʻrt yil ichida u Italiyaning bir qator jamoalarida oʻynadi, ammo asosiy tarkib futbolchisiga aylana olmadi.Futbolchining jamoalarni bunday tez-tez almashtirishi uning professional sportni kechroq boshlagani va oddiy koʻnikmalarga ega boʻlmagani sabab boʻlgan.Xuddi shu yillarda yosh futbolchining toʻpni qabul qilish va boshda toʻpni olib yurish qobiliyatlari uning tanilishiga sabab boʻldi.
1996-yilda Vieri "Yuventus" ga oʻtdi va u yerda jamoaning asosiy hujumchilari Alessandro Del Pyero va Alen Boksichning yordamchilariga aylandi.Uning mavsum davomidagi barcha musobaqalarda urgan 15 goli „Yuventus“ga Italiya chempionligini qaytarilishiga va Yevropa Chempionlar Ligasi finaliga chiqishga yordam berdi.Finalda esa „Yuventus“ Dortmundning „Borussiya“siga yutqazdi.
1997-yilning yozida Vieri 20 mln yevroga „Atletiko Madrid“ga transfer qilindi.U 24 goli bilan Ispaniya chempionatining eng yaxshi toʻpurari boʻlishi bilan birga klubga UEFA kubogida oʻynash huquqini qoʻlga kiritishga yordam berdi.
Uning faoliyatidagi navbatdagi klub „Latsio“ boʻldi.1999-yilda Vieri Kubok egalari kubogining soʻnggi musobaqasi finalida „Malyorka“ga urilgan gollardan biriga mualliflik qildi va jamoasi gʻalabasiga oʻzining hissasini qoʻshdi.Mavsum yakunida u Italiyada yilning eng yaxshi futbolchisi deb topildi.Umuman olganda Vieri mavsum davomida 15 ta gol urdi.
1999-yilning yozida uning transferi uchun 48,5 mln yevro toʻlagan „Inter“ga oʻtdi.U oʻsha paytda dunyoning eng qimmat futbolchisiga aylandi.U „Inter“da olti mavsum oʻynadi.Dastlab u braziliyalik Ronaldo bilan tandem tuzdi, lekin Ronaldoning tez-tez jarohatlar olishi sabab,2002-yilda u jamoani tark etdi.Vieri keyingi bir necha mavsumda jamoaning asosiy hujumchisiga aylandi.2002-yilda u Italiyada yilning eng yaxshi futbolchisi deb topildi.2003-yilda esa 24 ta gol bilan A Seriyaning eng yaxshi toʻpurari boʻldi.Umuman olganda Vieri „Inter“ uchun 123 ta gol urdi va klubning eng yaxshi toʻpurarlari oʻntaligiga kirdi.Ammo bu individual muvaffaqiyatlar ham faqatgina shuncha yillar davomida jamoa bilan qoʻlga kiritilgan 2005-yilgi Italiya kubogi boʻldi.
2005-yilda u erkin agent sifatida „Milan“ga koʻchib oʻtdi.Ammo 14 ta oʻyinda u faqat 2 gol urishga erishdi.Tez orada klub rahbariyati bilan ziddiyatga tushib qoldi va qishki transfer oynasida klubni tark etishga majbur boʻldi.
Christian faoliyatining soʻnggi yillarini „Atalanta“ va „Fiorentina“da oʻtkazdi.Ammo avvalgi yuqori darajaga chiqa olmadi.2009-yilda futbolchilik faoliyatini yakunlashga qaror qildi. 2016-yilning iyul oyida Vieri futbolchilik faoliyatini qayta tiklash mumkinligini eʼlon qildi, ammo bu sodir boʻlmadi.
Terma jamoada
Vieri Italiyaning yoshlar va olimpiya terma jamoalarida oʻynagan.Yoshlar terma jamoasi bilan hujumchi 1994 va 1996-yillarda Yoshlar o‘rtasidagi Yevropa chempionligini qo‘lga kiritgan.
1997-yil 29-martda Christian Italiya terma jamoasida Moldovaga qarshi oʻyinda debyut qildi.Bir yil oʻtgach, Vieri Fransiyada boʻlib oʻtgan jahon chempionatida terma jamoaga qoʻshildi va u yerda terma jamoaning asosiy hujumchisi edi.U guruh bosqichining barcha o‘yinlarida gol urdi, nimchorak finalda Norvegiyaga qarshi oʻyinda va chorak finalda Fransiyaga qarshi oʻyinda penaltilar seriyasidagi yagona gol muallifi ham boʻldi.Musobaqa yakunida hujumchi Davor Shukerdan bitta gol kam urib „Kumush to'p“ni qabul qilib oldi.
Vieri jarohati tufayli 2000-yilgi Yevropa chempionatini oʻtkazib yubordi.2002-yilgi Jahon chempionatida u jamoaning asosiy hujumchisi edi.U toʻrtta uchrashuvda toʻrtta gol urdi.Vierining terma jamoadagi soʻnggi musobaqasi 2004-yilgi Yevropa chempionati boʻlib, u musobaqa davomida gol ura olmadi.
Yutuqlari
Jamoaviy
"Torino" "Yuventus" "Lasio" "Inter" Italiya terma jamoasida Shaxsiy
Biznes
2003 yilda Vieri doʻsti Paolo Maldini bilan yangi „Sweet Years“ kiyim liniyasini yaratish uchun sarmoya kiritdi.
Vieri, shuningdek, doʻsti Christian Brokki bilan birga egalik qiluvchi Baci e Abbracci (Kisses and Hugs) nomli barga ega restorani bor.
Manbalar
Havolalar
uz.wikipedia.org