Chris Evans
Christopher Robert Evans (talaffuzi: Kristofer Robert Evans; 13-iyun 1981-yilda tugʻilgan) — amerikalik aktyor. U oʻzining Marvel kinematografiya koinoti (MKK) filmlaridagi Kapitan Amerika roli bilan mashhurdir. U oʻz karyerasini 2000-yilda ishlangan Opposite Sex televizion serialida boshlagan. Evans, shuningdek, Marvel Comics nashriyotidan tushirilgan Human Torch personajini Fantastik toʻrtlik va uning davomi boʻlmish Fantastik toʻrtlik: Kumush syorfer bosqini (2007) filmlarida jonlantirgan. 2013-yildan boshlab u Janubiy Koreyada olingan Snowpiercer filmida suratga tusha boshladi. 2015-yilga kelib film olamida ancha shuhrat qozongan Evans oʻzining rejissorlik mahoratini Before We Go filmida sinab koʻrdi. 3 million dollarlik xarajat bilan olingan film salkam 400 million dollar foyda keltirdi.
U koʻplab MKK filmlarida, jumladan Birinchi qasoskor (2011), Birinchi qasoskor: Qish askari (2014), Birinchi qasoskor: Qarshilik (2016), Qasoskorlar (2012), Qasoskorlar: Ultron davri (2015), Qasoskorlar: Abadiyat jangi (2018) va Qasoskorlar: Intiho (2019) kabi filmlarda Steve Rogers / Kapitan Amerika personajini jonlantirgan. Uning Marvel filmlaridagi roli ortidan jahondagi eng yuqori haq toʻlanadigan aktyor oʻlaroq qayd etilgan.
Hayoti va taʼlimi
Evans AQSHning Boston shahrida tugʻilgan, bolalik yillari esa Sulbury shaharchasida oʻtgan. Otasi Robert Evans tish shifokori, onasi Lisa (Capuano) rsa Concord yoshlar teatrida sahnalashtiruvchi rejissor boʻlgan. Evansning ikki singlisi va bir ukasi bor. Evans katolik oilada katta boʻlgan. Shunday boʻlsada Buddizm falsafasiga qiziqadi.
Evans Lincoln-Sudbury mahalliy oʻrta maktabini tugatgach, New Yorkga koʻchib borib, Lee Strasberg teatr va film institutiga qatnay boshlagan.
Shaxsiy hayoti
Evans 2001-yildan 2006-yilgacha Jessica Biel bilan ishqiy munosabatda boʻladi. 2007-yildan esa Minka Kelly bilan oxirgacha davom etmagan ishqiy munosabatda boʻladi. Kelly bilan 2012-yilning sentyabr oyidan yana birga boʻlishadi. Ammo 2013-yilning oktyabriga kelib yana ajralishadi. 2016-yil iyunidan 2017-yil boshiga qadar Evans aktrisa Jenny Slate bilan uchrashishdi. Juftlik 2017-yil oxirida yana birlashishdi, ammo 2018-yil mart oyida Evans ular ajralganligini rasman tasdiqlaydi.
Filmografiyasi
Film
Televideniya
Manbalar
Havolalar
uz.wikipedia.org