Choshtepa koʻchasi (Toshkent)

Choshtepa koʻchasi — Sergeli tumani hududida, Yangi Sergeli koʻchasi bilan Toshkent viloyatining Erkin qoʻrgʻoni oraligʻida joylashgan. Uzunligi 6 km atrofida. Qadimiy karvon yoʻllaridan biri. Tarkibida 11 ta tor koʻcha va 3 ta berk koʻcha bor.

Tarixi

Chor Rossiyasi davrida pochta yoʻli sifatida foydalanilgan. Keyinchalik Katta Oʻzbekiston traktining bir qismi boʻlgan. 1967-yil 17-oktyabrda yoʻnalishidagi tarixiy obida — Choshtepa nomi berilgan.

Binolar

Yoʻnalishida 11-poliklinika, yoʻl-qurilish boshqarmasi, savdo va umumiy ovqatlanish maskanlari, avtobazalar, 2-jahon urushida halok boʻlganlar xotirasiga bagʻishlab oʻrnatilgan yodgorlik, „Shin-Don“ Oʻzbekiston-Koreya qoʻshma korxonasi, bir nechta kichik va oʻrta biznes subʼektlari, maʼmuriy va shaxsiy turar joy binolari va boshqalar joylashgan. Mustaqillik davrida koʻchada rekonstruktsiya ishlari olib borilgan.

Yana qarang

Manbalar

uz.wikipedia.org