CHOPIQ QILINADIGAN EKINLAR
CHOPIQ QILINADIGAN EKINLAR — o’sishi va hosil berishi uchun katta oziq maydoni, namlik va qator oralariga ishlov berish (tuproqni yumshatish), zararkunandalar, begona o’tlar va kasalliklarga qarshi kurashni talab etadigan ekinlar. Texnika ekinlari — g’o’za, tamaki, kanop, qand lavlagi; don ekinlari — jo’xori, marjumak, makkajo’xori; moyli ekinlar — kungaboqar; sabzavot ekinlari, kartoshka, ozuqabop ildizmevalilar, poliz ekinlari (qovun, tarvuz, bodring va boshqalar) chopiq qilinadi. Bularning urug’i (ko’chati) keng qatorlab (qator oralarini 60-90 santimetr qilib) ekiladi. O’suv davrida qator oralari kultivator yoki ketmon bilan 2-6 marta yumshatiladi, pushtalari chopiladi, o’toq qilinadi, 2-9 marta sug’oriladi. Chopiq qilinadigan ekinlar ekilgan yerda tuprokning mikrobiologik faolligi ortadi, oziq modsalar ko’p to’planadi.
Manba
O'zbekiston Milliy Ensiklopediyasi
TEZ YUK MARKAZ
Yuk markaz elonlari yuk yuborish va yuk tashish
Guruhga kirish
Uzpedia.uz