CHITTAKLAR (Paridae) — chumchuqsimonlar oilasi. 65 turni birlashtirgan 10 urug’i bor. Tanasining uzunligi 10-20 santimetr, og’irligi 7-25 gramm. Konussimon tumshug’i qisqa, burun teshiklari atrofi qilsimon par bilan o’ralgan. Oyoqlari baquvvat, tirnog’i ichiga qayrilgan. Nari va modasining rangi o’xshash; boshi va tomog’i kora, ko’kragi kora yo’lli sariq, tanasining usti, qorni va yoni sarg’ishko’kimtir. Chittaklar daraxt kovaklari va shox-shabbalariga uya quradi. Yilda bir (Janubiy mintaqalarda ikki) marta 3-16 ta tuxum qo’yadi. Tuxumini modasi 12-13 kun bosadi. Jo’jalarini nari bilan modasi birgalikda boqadi. Chittaklar faqat hasharotlar bilan oziqlanadi; o’rmon, park, bog’ zararkunandalarini qirib fonda keltiradi. Yevrosiyo, Afrika, Shimoliy Amerikada tarqalgan. O’zbekistonda oq chittak, sariq tomoq chittak, katta chittak, vahimaqush (uyasini daraxt novdalariga osiltirib quradi) kabi turlari yashaydi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish