Chingiz Abdullayev
Chingiz Akif oğlu Abdullayev (ozarbayjoncha: Çingiz Abdullayev, 1959-yil 7-aprelda Bokuda tugʻilgan) – ozarbayjon yozuvchisi hisoblanadi. Chingiz Abdullayev Ozarbayjon Yozuvchilar uyushmasi kotibi boʻlib ishlaydi.
Dastlabki ijodiy faoliyati
Chingiz Abdullayev ilk romanini 1985-yilda yozgan. U oshkor qilingan sirlar tufayli uni nashr etish taqiqlangan edi. Ammo 1988-yilga kelib sovet senzurasi yumshatilgan va Chingiz Abdullayevning kitobi nashr etilgan.
Mashhur asarlari
Chingiz Abdullayev asosan detektiv romanlar bilan ijod qilgan hamda shu orqali mashhur boʻlgan. Chingiz Abdullayev butun sobiq Sovet Ittifoqida juda mashhur boʻlib, nafaqat MDH mamlakatlarida, balki butun dunyoda oʻquvchilarni oʻziga jalb etishda davom etib kelmoqda.
Chingiz Abdullayev boshqa ozarbayjon yozuvchilaridan koʻra kitoblari koʻproq nashr etilgan. Uning kitoblari 20 milliondan ortiq nusxada sotilgan, asosan rus tilidagi detektiv romanlar va qissalar janridagilari juda ham koʻp boʻlgan.
Chingiz Abdullayev 86 dan ortiq asarlar, jumladan, roman va hikoyalar mualliflaridan biri boʻlib, dunyoning 23 davlatida 17 tilda nashr etilgan. Shu jumladan sobiq Ittifoq mamlakatlari, Fransiya, Isroil, Shvetsiya, Norvegiya, Turkiya va Bolgariya kabi davlatlarda kitoblari sotuvga chiqarilgan. Chingiz Abdullayevning „Jahon detektiv adabiyotining oltin fondi“ roʻyxatiga kiritilgan detektiv romanlari orasida „Moviy farishtalar“, „Yovuzlar qonuni“, „Muqaddas boʻlish yaxshiroq“, „Hirodning soyasi“ va „Qonning uch rangi“ kabi kitoblari dunyo yuzini koʻrib, tez fursatda mashhur boʻlib ketdi.
Xayriya ishlaridagi faoliyati
Chingiz Abdullayev Ozarbayjondagi nutqlari yoki maʼruzalari evaziga pul ishlashni istamaydi. Chingiz Abdullayev buning oʻrniga Togʻli Qorabogʻ mojarosi tufayli uyiga bora olmagan qochqinlar uchun bu yerda ishlab topgan pulini xayriya qilishni afzal koʻradi. 2012-yilda Chingiz Abdullayev ayollarga nisbatan erkaklar zoʻravonligini toʻxtatish uchun kampaniya ochgan.
Oilasi
Chingiz Abdullayev uylangan. Uning bir oʻgʻil, bir qizi bor.
Bibliografiyasi
Ozarbayjon tilida
Manbalar
Tashqi havolalar
uz.wikipedia.org