CHHATTISGARH – Hindistonning Markaziy qismidagi shtat. Maydoni 135 ming kilometr kvadrat. Aholisi 21 million kishi (2001). Ma’muriy markazi — Raypur shahri. Shtat Sharqda Jarkxand va Orissa, g’arbda Madhya Pradesh va Maharashtra, shimolda Uttarpradesh Shtatlari bilan chegaradosh. Shtat 2000 yil 1 noyabrda tashkil etilgan. Chhattisgarh — agrar shtat. Aholining 80% qishloq xo’jaligida band. Maydonining 43% ishlanadi. Asosiy ekini — sholi, shuningdek, bug’doy, makkajo’xori, dukkaklilar ekiladi, zaytunzorlar bor. Bog’dorchilik va sabzavotchilik rivojlangan. Shtat hududining 44% o’rmon. Shtatning muhim tabiiy resursi — o’rmon mahsulotlari. Metallurgiya sanoati, po’lat quyish va tsement zdlari, mashinasozlik, oziqovqat, kimyo sanoati korxonalari mavjud. Plastmassa ishlab chiqariladi. Alyuminiy, konchilik rivojlangan. Mamlakatda ishlab chiqariladigan temir yo’l platformalarining 100%, tsementning 20% Chhattisgarhga to’g’ri keladi. Temir, marganes, oltin va boksit rudalari qazib olinadi. Shuningdek, olmos, berill, ametist (safsar), aleksandrit va boshqa qimmatbaxr toshlar konlari topilgan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish