CHEXLAR
CHEXLAR — xalq, Chexiyaning asosiy aholisi (9,55 million kishi 1990-yillar o’rtalari). Umumiy soni 10,38 million kishi. Chex tilida so’zlashadi. Dindorlar — asosan, katoliklar, protestantlar ham bor. Chexiya hududiga slavyanlar 5-6- asrlarda kelib o’rnashganlar. Yozma manbalarda ayrim Chex qabilalarining nomlari (chexlar, dudleblar, xorvatlar, luchanlar, zlichanlar, dechanlar, pshovanlar, litomerjisalar, xebanlar, glomachlar) saqlanib qolgan. 11-asrda Chexiya davlati hududida Chex elati shakllangan. An’anaviy mashg’ulotlari — dehqonchilik; chorvachilik ham muhim rol o’ynaydi. Xalq hunarmandchiligi rivojlangan. Chexlarning ko’pchiligi sanoatda band. Chexlarning milliy kiyimlari, an’anaviy hunarmandchiligi saqlangan.
Manba
O'zbekiston Milliy Ensiklopediyasi
TEZ YUK MARKAZ
Yuk markaz elonlari yuk yuborish va yuk tashish
Guruhga kirish
Uzpedia.uz