CHEMBERLEN (CHAMBERLAIN) OUEN (1920.10.7, Sanfrantsisko) — amerikalik fizik. AQSh Milliy Fanlar Akademiyasi a’zosi (1960). Chikago universitetini tugatgan (1948). 1942-46 yillarda Losalamos laboratoriyada va 1948 yildan Berkli Kaliforniya universitetida ishlagan. Atom bombasi yaratuvchilaridan biri. Ilmiy ishlari yadro fizikasi, neytron fizikasi va yuqori energiyalar fizikasiga oid. E. Segre va boshqa olimlar bilan hamkorlikda antiprotonni kashf etgan. Yuqori energiyali yadro reaktsiyalari yaratish bilan shug’ullangan. Tarkibida qutblangan protonlar mavjud nishonni olishga muvaffaq bo’lgan (1963— 64). Nobel mukofoti laureati (1959; E.Segre bilan hamkorlikda).
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish