Chayonlar so‘qmog‘i
Chayonlar so‘qmog‘i — Nabijon Xoshimovning asari bo‘lib mazkur asarda mustaqil O‘zbekiston respublikasiga tahdid solgan ichki va tashqi g‘animlarning faoliyati, hayotda adashib yurgan ba’zi yoshlarning ayanchli qismati bayot etilgan.
Asar haqida
Markaziy Osiyo xalqlari o‘rtasidagi o‘zaro do‘stlik hamda umumiy
dushmanga qarshi hamjihatlik bilan olib borgan kurashlari, yoshlar o‘rtasidagi
ona-Vatan va sevimli yorga bo‘lgan samimiy muhabbat tuyg‘ulari badiiy bo‘yoqlar
hamda sarguzashtli voqealar tarzida qiziqarli bayon etilgan.
Uni mutolaa qilar ekansiz, o‘zingizni asar qahramonlari bilan birga
yurtimizning maftunkor tabiatini, qolaversa, O‘zbekiston sarhadlaridagi
ko‘rkam tog‘lardan ufurayotgan zira hidlarini his etasiz. Afsuski, yaqin o‘tmishda
bu go‘zallik zamirida mamlakatimiz va qo‘shni hamdo‘stlik davlatlarining
barqarorligi uchun umumiy xavf bo‘lgani yodingizga tushadi. Hozirgi tinch va
osoyishta kunlarga yetishish, mustaqillikni asrash yurtdoshlarimiz uchun oson
kechmagani, balki vatan xoinlari va dushmanlari bilan murosasiz kurash olib
borilganiga yana bir bor amin bo‘lasiz.
Asar O‘zbekiston ozodlikka erishgach, endigina taraqqiyot sari dadil qadam
tashlayotgan davrda bo‘lib o‘tgan real tarixiy voqealarga asoslangan bo‘lib, u
muallifning badiiy to‘qimalari bilan yanada boyitilgan.
Asardan parcha
Normurod adashganligi
uchun hukumatimizdan avf qilishlarini so‘rab ariza yozgan. – Ha, hozir unga o‘xshagan qancha yigitlarimiz adashib, aldanib yurishibdi, nechtasi hali oq-qorani tanimay, hayot lazzatini totimay juvonmarg bo‘lib ketishayapti, – dedi inspektor xo‘rsinib. – Eng yomoni, bu vahhobiylik oqimi ularning miyalarini zaharlab, "zombi"ga aylantirib, o‘z vatanlariga qarshi, hatto qurol ko‘tarib kelishlarini uyushtirmoqda. Normurod Rahmatilla degan hamqishlog‘i haqida menga gapirib beruvdi. Qarang, o‘zi tuppa-tuzuk yigit, bir ziyoli odamning farzandi ekan. Vahhobiylik ta’siriga kirib, uyidan qochib ketibdi. U hozir umuman islomga zid bo‘gan kallakesarlik va qaroqchilik bilan shug‘ullanarkan. Bu bilan islom armiyasining g‘aznasini boyitmoqchi emish, muttaham. – Mening eshitishimcha, jang maydonidagi islom lashkarlarining har biriga kuniga 500 dollardan pul to‘lashayotganmish, ya’ni yoshlarni pul bilan aldashmoqda. – Lekin qanaqa deng, qalbaki pul bilan. Ana ishonmasangiz, Normuroddan so‘rang. – Qalbaki bo‘lmaganida ham koshki bu pullar halol bo‘lsa. – dedi.
Yana qarang
Manbalar
uz.wikipedia.org