Charlie Harary

Charles Harary (1977-yil iyulda tugʻilgan) – amerikalik investor, strategik maslahatchi va professor boʻlib, u ruhlantiruvchi notiq, radio-shou boshlovchisi sifatida shuhrat qozongan. U pravoslav yahudiylardandir.

Maʼlumoti

Harary Quenns College siyosatshunoslik va kommunikatsiyalar boʻyicha bakalavr darajasini olgan, bu bilim yurtini magna cum laude (ing. with great praise; oʻzb. katta maqtovlar bilan) tamomlagan. Keyinchalik Columbia Law School da qatnashgan va u yerda James Kent Scholar va Harlan Fiske Stone Scholar martabasidagilar safida boʻlgan.

Faoliyati

Harary Nyu-Yorkda joylashgan RXR Realty koʻchmas mulk kompaniyasining kapital bozorlari boʻyicha katta direktori boʻlgan. Shu kungacha Harary Nyu-Yorkda joylashgan H3 & Company nomli tashabbus kapitali va maslahat firmasiga asos solgan. H3 Capital’dan oldin Harary RXR Realty’da vitse-prezident boʻlgan. Bunga qadar Hrary Paul, Weiss, Rifkind, Wharton & Garrison va David Polk & Wardwell kompaniyalari bilan hamkorlikda ishlagan.

Harary shaxsiy oʻsish, biznes strategiya va samaradorlik mavzularida nutq soʻzlagan. U TheBlaze Radio Networkda Charlie Harary shousi deb nomlangan haftalik podkastni olib borgan. TheBlaze Radio Network efirga uzatilishidan oldin Charlie Harary shousi shanba kun kechqurunlari WABC da efirga uzatilgan. Harary, shuningdek, Nachum Segal tarmogʻidagi haftalik biznesga yoʻnaltirilgan "The Boardroom" radio koʻrsatuviga mezbonlik qilgan. U, shuningdek, "Unlocking Greatness" podkastini oʻtkazib, u yerda muvaffaqiyatli tadbirkorlar, tafakkurli yetakchilar, oʻzgarishni targʻib qiluvchi agentlari, inluenserlar va ekspertlardan ularning muvaffaqiyatga qanday erishganini tushunish maqsadida intervyular olgan.

2015-yilning may oyida Harary #TheAskCharlieShow videosida tinglovchilar tomonidan berilgan savollarga javob beradigan, biznes olamida shaxsiy oʻsish va samaradorlik masalalariga oid savol-javobga asoslangan shousini ishga tushirgan. U bir nechta nashriyotlar bilan hamkorlik qilgan: Inc., Entrepreneur, Forbes, US News & World Report, Monster.com, Barcha biznes ekspertlari, Tech Republic, Daily News, va The Intelligence shular jumlasidandir.

Harary menejment va tadbirkorlik boʻyicha klinik professor va Yeshiva universiteti qoshidagi Syms School of Business yashash joyida yordamchi boshqaruvchi va tadbirkor mutaxassis boʻlib faoliyat yuritgan.

Manbalar

uz.wikipedia.org