CHAN XING DAO

CHAN XING DAO (Tran Hu’ng Dao), Chan Kuok Tuan (Tran Quoc Tuan) (1226— 1300) — Vetnam sarkardasi, Vetnam xalqining mo’g’ul istilochilariga qarshi kurash tashkilotchisi. Mo’g’ullar Dayvet (Vetnam)ga 1257— 58, 1284-85, 1287— 88 yillarda hujum qilishgan vaqtda mamlakat qurolli kuchlari bosh qo’mondoni (1283 yildan). 1288 yil 9 aprelda Vetnam qo’shinlari Chan Xing Dao rahbarligida Batdang daryosi bo’yidagi jangda yirik g’alabaga erishganlar. Natijada mo’g’ul istilochilari Dayvet hududidan quvib chiqarilgan. Bu sana har yili milliy bayram sifatida nishonlanadi.

Manba

O'zbekiston Milliy Ensiklopediyasi