CHALATISHLILAR

---

CHALATISHLILAR (Edentata) yo’ldoshli sut emizuvchilar turkumi. Uzunligi 12 santimetrdan 1,2 metrgacha. Oddingi oyoqlarining 2 yoki 3 ta barmog’i boshqalariga nisbatan yirikroq bo’lib, kuchli tirnoqlari bor. Tishlarida emal va ildiz bo’lmaydi, doim o’sib turadi; oziq va yirtqich tishlari rivojlanmagan (nomi shundan). Yo’ldoshi sodda, 3 oilasi (chumolixo’rlar, yalqovlar, sovutlilar) bor. Janub, Markaziy va shimoliy Amerikada tarqalgan. Yer ustida, daraxtlarda yashaydi. O’simlik va hasharotlar bilan oziqlanadi. Ko’pchilik turlarining go’shti iste’mol qilinadi.

Manba

---

O'zbekiston Milliy Ensiklopediyasi