CHAG’ILLITEPA — neolit davri makoni (miloddan avvalgi 5 ming yillik). Joytun madaniyatiga oid yodgorliklardan biri. Turkmanistonning Janubda Kopetdog’ tog’ oldi tekisligidagi Meana va Chaacha qishloqlari oralig’ida. 1962— 63 yillarda tekshirilgan. Chag’illitepa uchta madaniy qatlamdan iborat, yuqori qatlamda arxeologik materiallar sakdanib qolmagan. O’rta va quyi qatlamlarni qazish vaqtida bir xonali uylar va xo’jalik xonalari ochilgan. Xonalardan rangli sopol idishlar, tosh qurollar (pichoq, qirg’ich, o’roq va boshqalar) topilgan. Chag’illitepa aholisi dehqonchilik, chorvachilik va ovchilik bilan shug’ullangan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish