CHAG’DAVUL, changdovul (mo’g’ulcha — chag’daul, chag’duul) — 1) Chingiziylar, Temuriylar armiyasida qo’shinning ortarergard qismi. Unga shahzodalar va tajribali lashkarboshilar qo’mondonlik qilgan; 2) qo’shinning ort (arergard) qismi qo’mondoni. Xiva xonligida otliq qorovul sardori ham Chag’davul deb yuritilgan. Buxoro xonligida harbiy mansablardan biri xisoblanib, qorovul, Yo’lchi va josusdan yuqori turgan. Ayni paytda arergard qo’shinida xizmat qiluvchi askar ham Chag’davul istilohi bilan ifodalangan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish