Buxoriy Ubaydulloh ibn Masʼud ibn Umar Toj ash-sharʼia al-Buxoriy

---

Buxoriy Ubaydulloh ibn Masʼud ibn Umar Toj ash-sharʼia al-Buxoriy (?, Buxoro — 1346) — qomusiy olim. Hirotda ijod qilgan. Buxoriydan matematikaga doir „Algebraik masalalar“ („Masoil al-jabriya“), „Hisob“, „Meros taqsimlash haqida fan“ („Taʼlimi faroiz“) nomli asarlar qolgan. Buxoriyning qomusiy asarlaridan „Qisqa kafolatni tozalash“ (An-nuqaya muxtasar al-viqaya") diqqatga sazovor. Buxoriy Ali Fargʻoniy Margʻiloniyning (?—1197) „Rahbarlik masalalarida kafolat haqida hikoya“ („Viqaya ar-rivaya fi masoil al-hidaya“) deb ataluvchi asarini qisqacha va tushunarli bayon etgan. Buxoriy asarlari Angliya, Vengriya, Germaniya, Tojikiston va Oʻzbekiston qoʻlyozmalar fondlarida saqlanadi.

uz.wikipedia.org