Butikov Vitaliy Yuryevich

Butikov Vitaliy Yuryevich (ruscha: Бутиков Виталий Юрьевич; 1987-yil 19-iyun, Perm) — Kristina Gorshkova bilan birgalikda muz ustida raqs musobaqalarida qatnashgan rossiyalik figurali uchuvchi. Sherigi Kristina bilan birga 2011-yilgi qishki Universiada gʻolibi va 2009-yilgi Rossiya chempionatining bronza medallari sovrindoriga aylangan. Butikov Vitaliy Yuryevich Rossiyaning xalqaro toifadagi sport ustasi.

Faoliyati

Vitaliy Kristina Gorshkova bilan birgalikda 1999-yildan boshlab juftlikda figurali uchish musobaqalarida qatnashgan. Ularning birinchi murabbiyi Tatyana Kuzmina 2007-yil iyul oyida avtohalokatda vafot etgan. Keyinchalik juftlik Yelena Chaykovskaya nomidagi figurali uchish maktabida mashq qila boshlagan.

2007 — 2008-yilgi mavsumda juftlik Xorvatiyada oʻtkazilgan oʻsmirlar oʻrtasidagi Gran-pri bosqichida gʻolib chiqqan, Germaniya bosqichida ikkinchi, finalda esa uchinchi oʻrinni egallagan. Keyinchalik ular oʻsmirlar oʻrtasidagi Rossiya chempionatida gʻolib chiqishgan va oʻsmirlar oʻrtasidagi jahon chempionatida uchinchi oʻrin sohiblariga aylanishgan.

2008 — 2009-yilgi mavsumda Gorshkova/Butikov juftligi „kattalar“ darajasida musobaqalarda chiqishni boshladi. Ular Gran-pri seriyasida Skate Canada va NHK Trophy musobaqalarining ikki bosqichida ishtirok etishdi va toʻrtinchi hamda beshinchi oʻrinlarni egalladi. Juftlik Rossiyadagi birinchi „kattalar“ chempionatida bronza medallarini qoʻlga kiritdilar. 2009-yil fevral oyida ular XXIV qishki Universiadaga yoʻl olishdi va u yerda bronza medalini qoʻlga kiritgan ukrainalik Alla Beknazarova va Vladimir Zuevga atigi 0,26 ballga yutqazib, toʻrtinchi oʻrinni egallashdi.

Sportdagi yutuqlari

(K. Gorshkova bilan)

Manbalar

uz.wikipedia.org