BUTARA (lotincha butarium — bochka) — barabansimon g’alvir (bochka); sochma oltin konlarida qum va qo’rg’oshin tosh (kasseterit) ni yuvish uchun mo’ljallangan qadimgi yog’och asbob. Keyinchalik aylanadigan tsilindrik yoki konussimon baraban ko’rinishida tayyorlangan. Butara material solish voronkasi, qiya g’alvir, yuvish teganasi (shlyuz) dan iborat. 19-asr boshlarida keng tarqalgan. Qo’lda yoki charxpalak yordamida harakatlantirilgan. Ish unumdorligi dastaki Butarada 0,8 m3/soat (1-3 kishi ishlagan), ot bilan harakatlantiriladigan Butarada 4 m3/soat bo’lgan. Kichik oltin konlarida hozir ham ishlatiladi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish