BUSHUYEV MIXAIL MIXAYLOVICH (1876— 1936.18.2) — zootexnik, agronom. Mirzacho’l tajriba dalasi mudiri (1905— 18), TurkASSR yer ishlari xalq komissari va Turkiston MIK a’zosi (1918-21), RSFSR yer ishlari xalq komissarligi va SSSR Gosplanida rahbarlik lavozimlarida ishladi (1921 — 36). Bushuyev ilmiy ishlari Mirzacho’l sharoitida g’o’za, kanop, makkajo’xori, xashaki va qand lavlagi agrotexnikasi, selektsiyasi, bog’dorchilik, sabzavotchilikni rivojlantirish masalalariga bag’ishlangan. Bushuyev O’rta Osiyoda ingichka tolali g’o’zani ekish tashabbuskorlaridan. Shuningdek, chorvachilik selektsiyasi bilan ham shug’ullangan, mahsuldorligi yuqori bo’lgan yangi qoramol zotini yaratishni boshlab bergan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish