Burtaslar
Burtaslar — Oʻrta va Quyi Volga boʻyidagi qabilalar uyushmasi (5—11-asrlar). B.ning aynan qaysi qabilalardan tashkil topganligi nomaʼlum. B. arab jugʻrofiy va tarixiy manbalarida 10-asrdan, rus solnomalarida esa 13-asrdan tilga olinadi. Ular dehqonchilik, chorvachilik va ovchilik bilan shugʻullanib, 7-asrdan Xazar xoqonligi, 10-asr oxirlaridan Kiyev Rusiga tobe boʻlgan, 11-asrda esa Volga bulgʻorlari va boshqa Volgaboʻyi xalqlari tarkibiga singib ketgan. B. madaniyati misharlar bilan mordva madaniyatining shakllanishiga taʼsir koʻrsatgan deb taxmin qilinadi.
Adabiyotlar
uz.wikipedia.org