BRUNELLESKI
BRUNELLESKI (Brunelleschi) Filippo (1377 — Florentsiya — 1446.15.4) — italiyalik me’mor, haykaltarosh, olim. Uyg’onish davri me’morligi va kelajak aks etgan me’moriy nazariya asoschilaridan. Ijodini haykaltaroshlikdan boshlagan. Qadimgi me’moriy an’analardan yangicha yondoshib foydalangan. 1420-36 yillari Santamariya del Fore sobori (diametri 42 metrga yaqin) gumbazini yaratgan. Brunelleski qurgan tarbiya uyi (loyihasi — 1419) va sanlorenso cherkovining sakristiyi (ibodat kiyimlari va asbobanjomlari saqlanadigan bino), Ospedale Deli Innochenti (1421-44)da Uyg’onish davri me’morlik san’atining badiiy an’analari o’z ifodasini topgan. Brunelleski 1429-30 yillarda Santakroche cherkovi hovlisidagi Passi kapellasini bunyod etdi, turli yillarda sanlorenso va Santospirito cherkovlarining intererlarini qayta qurdi. Brunelleski asarlari obrazlarining garmonik yorqinligi, nisbatlarining qat’iyligi, qurilish usullarining mukammalligi bilan ajralib turadi.
Manba
O'zbekiston Milliy Ensiklopediyasi
Uzpedia.uz