Brian Hämäläinen
Brian Tømming Hämäläinen (talaffuzi: Brayan Hyamyalyanen; 29-may 1989-yilda tugʻilgan) — Daniyalik professional futbolchi, Daniya Superligasining Lyngby Boldklub klubida chap qanot himoyachisi sifatida oʻynaydi.
Sobiq Daniya yoshlar terma jamoasi aʼzosi Hämäläinen 2011-yilda Belgiya Pro-ligasi klubi Zulte Waregemga oʻtgan. Bir mavsumdan soʻng Genkga oʻtdi. Toʻrt yildan soʻng Zulte Waregemga qaytib, Germaniyaning 2. Bundesliga klubi Dynamo Dresden safida ikki yil oʻynadi. 2020-yilda Lyngbyga qaytdi.
Faoliyati
Lyngby
Hämäläinen 1994-yildan Allerod FKning yosh toifadagi jamoasida oʻynay boshladi. 2003-yilda Lyngby yoshlar akademiyasiga oʻtdi. 2007-yil 20-avgustda Esbjerg fBga qarshi oʻyinning 82-daqiqada Andreas Bjelland oʻrniga maydonga tushib debyut qildi.
Zulte Waregem
2011-yil iyul oyida Hämäläinen Belgiya Pro-ligasi klubi Zulte Waregem bilan shartnoma imzoladi.
Genk
2012-yil avgust oyida Hämäläinen Genkga oʻtdi. 2013—2014-yilgi mavsumda UEFA Yevropa ligasida toʻrtta oʻyinda maydonga tushdi. „Genk“ VfB Stuttgartga qarshi 1/8 finalda magʻlub boʻldi. Shu tariqa, klub chempionat pley-offida ishtirok etdi va beshinchi o‘rinni egalladi. Hämäläinen toʻrtta oʻyinda maydonga tushdi. Belgiya kubogida uchta oʻyin oʻtkazdi, musobaqada „Genk“ gʻalaba qozondi. Keyingi mavsumda Hämäläinen Belgiya kubogida ikkita oʻyinda ishtirok etdi
„Genk“da Hämäläinendagi toʻrt yillik faoliyati davomida atigi 31 ta oʻyinda maydonga tushdi.
Zulte Waregemga qaytish
2016-yil iyun oyida Hämäläinen ikki yillik shartnoma asosida Zulte Waregemga qaytdi. Belgiya kubogi musobaqasida uchta oʻyin oʻtkazdi, unda klub „Standard Liège“ga magʻlub boʻldi. Ligada esa jami 16 oʻyin oʻtkazdi.
Dynamo Dresden
2018—2020-yillarda Germaniya 2. Bundesliga klubi Dynamo Dresden jamoasida oʻynagan.
Lyngbyga qaytish
2020-yil sentabrida Hämäläinen Lyngby BKga 2022-yil yozigacha shartnoma asosida qaytdi. 2021-yil yanvar oyida mashgʻulotlarda tizzasidan jarohat oldi. Keyinchalik testlar uning ligamentlari shikastlanganini tasdiqladi, bu esa uni uzoq vaqt maydonga tushmasligiga sabab boʻldi. Mavsum oxirida Lyngby oxirgi oʻrindagi AC Horsens klubiga magʻlub boʻlgach, Daniya 1-divizioniga tushib ketdi.
Shaxsiy hayoti
Hämäläinen onasi tomonidan bobosi finland. 2016-yilda Finlandiya terma jamoasi murabbiyi Hasse Backe murojaat qilgan, biroq Hämäläinen oʻzini fin deb hisoblamasligini aytgan.
Faoliyat statistikasi
7-aprel, 2022-yil holatiga koʻra[14]
Yutuqlari
Genk Zulte Waregem Manbalar
uz.wikipedia.org