BRETAN

BRETAN — Frantsiya shimoli g’arbidagi yarim orol. Maydoni 35 ming kilometr kvadrat, uzunligi 200 kilometr. Qirg’oqlari tik, kuchli yemirilgan. Yer yuzasi sertepa tekislik, balandligi 384 metrgacha (Armorikan qiri). O’rtacha yillik yog’in 800-1200 millimetr. Dub, qoraqayin o’rmonlari bor. Vereska chakalakzorlari, torfli yerlar keng tarqalgan. Sabzavotchilik, go’shtsut chorvachiligi rivojlangan, baliq ovlanadi. Yirik port shaharlari — Nant va Brest.

Manba

O'zbekiston Milliy Ensiklopediyasi