Brendan Shinnimin

Brendan Shinnimin (1991-yil 7-yanvarda tugʻilgan) Kanadalik professional xokkeyning markaziy oʻyinchisi. U faoliyati davomida Deutsche Eishockey Ligasi (DEL) ning Adler Mannheim jamoasida oʻynagan. Shinnimin faoliyatining boshida Kanada Milliy xokkey ligasining (NHL) Arizona Coyotes jamoasida ham oʻynagan.

Jamoalardagi faoliyati

Oʻsmirlik davrida Shinnimin Gʻarbiy Xokkey Ligasining (WHL) Tri-City Americans jamoasida oʻynagan. Shinnimin 2011—2012-ylgi WHL mavsumida 134 ochko bilan WHLning yetakchi toʻpurari boʻlgan va 2012-yilgi Bob Clarke kubogi sohibi boʻlgan. U nafaqat WHLda gol urish boʻyicha, balkim butun Kanada xokkey ligasida yetakchi toʻpurar boʻlgan. 2012-yilda Shinnimin WHLda yilning eng yaxshi oʻyinchisi sifatida Four Broncos Memorial Trophy sovrinini qoʻlga kiritgan. 2010—2011-yillarda u WHLning ikkinchi jamoasi yulduzi deb topilgan.

2010-yil 19-oktabrda Shinnimin 12 oʻyinga diskvalifikasiya qilingan. 2009-yilda u WHLning Subway Super Series jamoasi tarkibida Russian junior all-stars jamoasiga qarshi oʻynagan.

Shinnimin 2012-yilning 2-martida Milliy xokkey ligasining Pheonix Coyotes jamoasi bilan erkin agent sifatida uch yillik boshlangʻich darajadagi shartnomaga imzo chekkan.

2016-yilning 14-iyulida Shinnimin Milliy A Ligasining (NLA) SCL Tigers jamoasi bilan bir yillik shartnoma imzolagan. U NLAdagi debyutini 2016-yil 9-sentyabrda PostFinance Arenada SC Bern jamoasiga qarshi oʻtkazgan. 2016-yil 21-dekabrda Tigers jamoasida 32 ta oʻyindan atigi 12 tasida maydonga tushgan. Soʻngra Tigers Shinnimin bilan shartnomani bekor qilgan. Oʻsha oyning oxirida u Kontinental Xokkey Ligasi (KHL)ning Baris Astana klubi bilan shartnoma imzolagan.

Shvetsiya xokkey ligasining Växjö Lakers jamoasi bilan uch muvaffaqiyatli mavsumdan soʻng, Shinnimin 2020-yil 4-sentyabrda bir yillik shartnoma asosida DELning Adler Mannheim klubi bilan oʻynagan.

Faoliyat statistikasi

Mukofot va unvonlari

Manbalar

uz.wikipedia.org