Brenda Bakke

Brenda Jean Bakke (1963-yil 15-mayda tugʻilgan) — amerikalik aktrisa va koʻchmas mulk brokeri. U 1990-yillarda „Hot Shots! Part Deux“, Gunmen, Demon Knight, Under Siege 2: Dark Territory va L.A. Confidential kabi filmlardagi rollari bilan tanilgan.

Hayoti va faoliyati

Bakke Oregon shtatining Klamath Falls shahrida tugʻilgan. Oʻz aktrisalik faoliyatini 15 yoshida Years Ago sahna koʻrinishida (Portlend) boshlagan. 1981-yilda Oregon shtatining Beaverton shahridagi Sunset High School taʼlim dargohini tugatgandan soʻng, u Los Angelesga Amerika Dramatik Sanʼat Akademiyasi, aktyorlik fakultetida oʻqish uchun koʻchib oʻtadi. U 1986-yilda „Hardbodies 2“ filmida ekrandagi debyutini amalga oshiradi va keyingi yili mehmon sifatida „Star Trek: The Next Generation“ filmining epizodida rol oʻynadi. Keyingi yillarda u „Gunhed“, „Solar Crisis“ va "The Medium" kabi kam byudjetli janrdagi filmlarda bir qator rollarni ijro etgan.

1993-yilda Bakke „Hot Shots! Part Deux“ komedik filmida Michelle Huddleston rolini oʻynaydi. Keyingi yili u jangari komedik janrdagi „Gunmen“ filmida ayol bosh rolini oʻynaydi. 1995-yilda aktrisa Ernest Dickersonning „Demon Knight“ filmida fohisha Cordelia, "Under Siege 2" filmida kapitan Linda Gilder rolini gavdalantirgan.

1995—1996-yillardagi televizion mavsumda u Gary Cole bilan birga CBS qoʻrqinchli seriali American Gothic filmida doimiy rol ijro etgan. 1997-yilda Bakke Curtis Hanson rejissori boʻlgan neo-noir sirli jinoyatlar haqidagi „L.A. Confidential“ filmida Lana Turner rolida paydo boʻladi. 1999-yilda u qisqa muddatli Fox drama seriali Ryan Caulfield: Year Oneda bosh qahramonning onasi roli bilan televizion keryerasiga qaytadi.

2000-yillarda Bakke filmlarda suratga tushishni davom ettirib, The Quickie va Moving August kabi kichikroq filmlarda rol oʻynaydi. CSI: Crime Scene Investigation, NYPD Blue, Ruhshunos va Supernatural kabi filmlar epizodlarida maxsus mehmon rollarni ijro etadi. 2015-yilda u Oprah Winfrey Networkning „If Loving You Is Wrong“ serialida Virginia rolini takrorlay boshlaydi. 2016-yilda Bakke „Heartbeat“ va "Criminal Minds: Beyond Borders" epizodlarida mehmon bosh rollarda paydo boʻladi.

Brenda Bakke

Hayoti va faoliyati

Filmografiyasi

Filmlarda

Televizion rollari

Manbalar

Havolalar