Braziliya Markaziy banki

Braziliya Markaziy banki (portugalcha: Banco Central do Brasil) Braziliyaning markaziy banki hisoblanadi. U 1964-yil 31-dekabr payshanba kuni, Yangi yil arafasida tashkil etilgan.

Bank hech qanday vazirlikka aloqador emas, hozirda mustaqil hisoblanadi. Boshqa markaziy banklar singari, Braziliya Markaziy banki ham mamlakatning asosiy pul-kredit organi hisoblanadi. U bu vakolatni uch xil muassasa yordamida amalga oshiradi: Valyuta va kredit byurosi (SUMOC), Braziliya banki (BB) va Milliy Gʻaznachilik.

Braziliya pul-kredit siyosatining asosiy vositalaridan biri Markaziy bankning SELIC kursi deb ataladigan overnayt kursidir. U bankning Pul-kredit siyosati qoʻmitasi (COPOM) tomonidan boshqariladi.

Bank moliyaviy inklyuzivlik siyosatini ilgari surishda faol ishtirok etadi va Moliyaviy inklyuzivlik alyansining yetakchi aʼzosi hisoblanadi. 2011-yilda Meksikada boʻlib oʻtgan Global siyosat forumida, Braziliya Markaziy banki, shuningdek, Mayya Deklaratsiyasiga muvofiq moliyaviy inklyuzivlk boʻyicha maxsus milliy majburiyatlarni qabul qiluvchi dastlabki 17 tartibga soluvchi muassasalardan biridir.

2021-yil 25-fevraldan boshlab bank Federal hukumatdan mustaqildir.

Markaziy bankning mustaqilligi

2020-yil 3-noyabrda “Markaziy bank mustaqilligi toʻgʻrisida”gi qonuni mamlakat Senati tomonidan 56 tarafdor, 12 ta qarshi ovoz bilan qabul qilindi.

Va 2021-yil 10-fevralda Deputatlar palatasida 2021-yil 24-fevraldagi 179-sonli Federal qoʻshimcha qonunni ishlab chiqaruvchi Prezident Jair Bolsonaroning sanksiyasiga oʻzgartirishlar kiritilmagan holda 339 tarafdor va 114 ta qarshi ovoz bilan qonun ma’qullandi.

2021-yil 24-fevraldagi 179-sonli Federal qoʻshimcha qonun bilan u yangi tashkiliy tuzilishga ega boʻlishdan tashqari, mustaqil boʻldi.

Braziliya Markaziy banki

Markaziy bankning mustaqilligi

Prezidentlari

Yana qarang

Qoʻshimcha oʻqish uchun

Manbalar

Havolalar