Branimir Xrgota
Branimir Hrgota (talaffuzi: Branimir Xrgota; 1993-yil 12 yanvarda tugʻilgan) — professional futbolchi. 2. Bundesliga klubi SpVgg Greuther Fürthda hujumchi va sardor sifatida oʻynaydi.
Klublardagi faoliyati
Jönköpings Södra IF
Hrgota faoliyatini quyi liganing „IK Tord“ jamoasida boshlagan va shu bilan bir qatorda karate boʻyicha mashgʻulotlarini parallel olib borgan. 2008-yilda ushbu jang sanʼatidan voz kechishga qaror qildi va ikkinchi divizion Jönköpings Södra IF jamoasiga oʻtdi. 2011-yilda asosiy jamoada debyut qilgan va oʻsha mavsumda 25 oʻyinda 18 ta gol urib, liga toʻpurari boʻlgan. Mavsumdan soʻng yilning eng yaxshi futbolchisi sovrinini oldi. Muvaffaqiyatli debyut yilidan keyin bir nechta klublar uni sotib olishga qiziqish bildirishgan. Keyingi mavsumda 14 oʻyinda 10 ta gol urdi va yozda Germaniyaga koʻchib oʻtdi.
Borussia Mönchengladbach
2012-yil 4 iyulda Germaniyaning „Borussia Mönchengladbach“ klubiga oʻtdi. Bundesligadagi TSG 1899 Hoffenheimga qarshi oʻyinda 74-daqiqada Mike Hanke oʻrniga maydonga tushib debyut qildi. Bundesligadagi ilk golini 1. FSV Mainz 05 ga qarshi 1-boʻlim tugashiga 5 daqiqa qolganida penaltidan urgan. Ikkinchi boʻlimda chap oyogʻi bilan yana ikkita gol urdi. 85-daqiqada Lukas Ruppga almashtirildi. 2016-yil 15-iyun kuni Hrgota Bundesliga vakli „Eintracht Frankfurt“ga uch yillik shartnoma asosida qo‘shilishi eʼlon qilindi.
Eintracht Frankfurt
Hrgota Frankfurtdagi birinchi golini 2016-yil 2-avgustda DFB-Pokalda 1. FC Magdeburgga qarshi penaltilar seriyasida urdi.
Greuther Fürth
2019-yil 7-avgustda Hrgota SpVgg Greuther Fürthga ikki yillik shartnoma asosida qo‘shildi. 2022-yilning 12-fevralida Hrgotaning „Hertha“ga qarshi o‘yin boshlanishidan 27 soniyadan keyin urgan goli o‘sha mavsumdagi eng tezkor gol bo‘ldi.
Xalqaro faoliyati
Hrgota Shvetsiya, Xorvatiya va Bosniya va Gersegovina terma jamoalarida oʻynash huquqiga ega edi. Xorvatiya U21 terma jamoasi bosh murabbiyi Ivo Šušak 2012-yilning kuzida Hrgotani jamoasiga olib kelish maqsadida bilan bogʻlangan edi. Biroq, 2014-yilning yozida, UEFA Yevropa chempionati saralash bosqichida Shvetsiyaning Avstriyaga qarshi oʻyinidan oldin, Hrgota Shvetsiya terma jamoasiga chaqirilgandi.
Shaxsiy hayoti
Hrgota Bosniya urushi paytida Bosniya va Gersegovina Respublikasining Zenitsa shahrida tugʻilgan. Ota-onasi etnik xorvatlardir. Branimir bolaligida oilasi bilan Shvetsiyaga koʻchib oʻtgan
Faoliyat statistikasi
Klub
14-may, 2022-yil holatiga koʻra[8]
Xalqaro
Yutuqlari
Eintracht Frankfurt Individual Manbalar
uz.wikipedia.org