Brandon Baddock
Brandon Baddock (talaffuzi: Brandon Baddok) (1995-yil 29-martda tugʻilgan) — kanadalik professional xokkey oʻyinchisi. Brandon Baddock hozirda Milliy Xokkey Ligasi (NHL) vakili „Minnesota Wild“ xokkey klubida oʻynaydi. Brandon Baddock 2014-yilgi NHL kirish loyihasining oltinchi bosqichida „New Jersey Devils“ xokkey klubi safiga 161-oʻrindagi tanlov asosida qoʻshilgan edi. Brandon Baddock ilgari „Binghamton Devils“ va „Laval Rocket“ xokkey klublari jamoalarida oʻynagan edi.
Oʻyin faoliyati
Oʻsmir
Alberta Major Bantam Xokkey Ligasidagi (AMBHL) kichik xokkey jamoasida oʻynaganidan soʻng, Brandon Baddock 2010-yilgi WHL Bantam loyihasining yettinchi bosqichida „Edmonton Oil Kings“ xokkey klubi safiga qoʻshildi. Brandon Baddock Gʻarbiy Xokkey Ligasida (WHL) debyut qilishidan oldin Alberta Minor Midget Xokkey Ligasida (AMMHL) va Alberta Junior Xokkey Ligasida (AJHL) yana ikki mavsum oʻynadi.
Brandon Baddock WHLdagi debyut oʻyinini 2011-yil 19-noyabrda „Lethbridge Hurricanes“ xokkey klubiga qarshi uchrashuvda (5:2 hisobida magʻlubiyat) oʻtkazdi. 2012-yil 20-sentyabrda WHLdagi ikkinchi uchrashuvida Brandon Baddock „Kootenay Ice“ xokkey klubiga qarshi 5-3 hisobida gʻalaba qozonilgan uchrashuvda WHLdagi birinchi golini kiritdi. Umuman olganda, Brandon Baddock WHL chempionatining final bosqichiga chiqish yoʻlida oʻzining yangi WHL mavsumida 59 ta oʻyinda yettita gol va toʻrtta golli uzatmani amalga oshirdi. 2014—2015-yilgi WHL mavsumi oldidan Brandon Baddock klubning muqobil sardori etib tayinlangan va 71 oʻyinda 19 gol va 21 golga assistentlik qilgan edi. Oʻzining WHLdagi soʻnggi mavsumida Brandon Baddock 68 oʻyinda 22 gol va 13 golga assistentlik qilgan hamda klub sardor etib saylangan edi.
Professional
2014-yilgi NHL kirish loyihasining oltinchi bosqichida Brandon Baddock „New Jersey Devils“ xokkey klubi safiga 161-oʻrindagi tanlov asosida qoʻshilganidan soʻng,Brandon Baddock 2016-yil 1-iyunda „Devils“ klubi bilan uch yillik boshlangʻich darajadagi shartnoma imzoladi.
2019-yil 15-iyulda „New Jersey Devils“ xokkey klubi Brandon Baddock bilan yana bir yillik ikki tomonlama shartnoma imzolaganini eʼlon qildi. Brandon Baddock qisqartirilgan AHL mavsumida 50 ta oʻyinda 6 ta gol va 9 ta golli uzatmani amalga oshirdi.
2020-yil 9-oktyabrda „Montreal Canadiens“ xokkey klubi Brandon Baddock bilan bir yillik ikki tomonlama shartnoma imzoladilar. Brandon Baddock 2020—2021-yilgi mavsumda „Canadiens“ klubining asosiy jamoasiga koʻtarilgan, ammo u hech qachon NHL oʻyinida qatnashmagan edi. U shuningdek, 2020—2021-yilgi AHL mavsumida „Canadiens“ xokkey klubining AHLdagi filiali „Laval Rocket“ klubi uchun 25 oʻyinda maydonga tushdi.
2022-yil 12-fevralda Brandon Baddock „Canadiens“ xokkey klubi tomonidan "Andrew Hammond evaziga „Minnesota Wild“ xokkey klubiga sotildi.
Faoliyat statistikasi
Manbalar
uz.wikipedia.org